తెలంగాణలో త్వరలో స్థానిక సంస్థల ఎన్నికలు | Bharat Aawaz | BMA |...

తెలంగాణలో త్వరలో స్థానిక సంస్థల ఎన్నికలు

Blogs Telangana

Posted 2025-06-21 12:35:49

1K

*_తెలంగాణలో స్థానిక సంస్థల ఎన్నికల నగారా.. వచ్చే వారం షెడ్యూల్ ప్రకటన..!!_* తెలంగాణలో స్థానిక సంస్థల ఎన్నికలకు సమయం ఆసన్నమైంది. వచ్చే వారంలో ఎన్నికల షెడ్యూల్ ప్రకటన వెలువడనుందని విశ్వసనీయ వర్గాల సమాచారం. ముఖ్యమంత్రి రేవంత్ రెడ్డి ఇప్పటికే మంత్రులతో సమావేశమై, ఎన్నికల సన్నాహాలపై స్పష్టమైన ఆదేశాలు జారీ చేశారు. అనవసర ప్రకటనలు లేకుండా, పూర్తి స్థాయిలో సిద్ధమవ్వాలని సూచించినట్లు తెలుస్తోంది. ఈ ఎన్నికలు గ్రామ పంచాయతీలు, మండల పరిషత్‌లు, జిల్లా పరిషత్‌లతో పాటు మున్సిపాలిటీలు, కార్పొరేషన్‌లకు కూడా జరగనున్నాయి. రైతు భరోసా పథకం కింద నిధుల జమ చేసే ప్రక్రియ పూర్తయిన వెంటనే అధికారిక నోటిఫికేషన్ విడుదల కానుందని సమాచారం. ఈ పథకం ద్వారా రైతులకు ఆర్థిక సహాయం అందించడం ద్వారా కాంగ్రెస్ ప్రభుత్వం గ్రామీణ ఓటర్ల మద్దతు సంపాదించాలని లక్ష్యంగా పెట్టుకుంది. అంతేకాక, బీసీ రిజర్వేషన్ల విషయంలో సుప్రీంకోర్టు మార్గదర్శకాలను పాటిస్తూ, ఎన్నికలకు ముందు రిజర్వేషన్ ప్రక్రియను పూర్తి చేసేందుకు ప్రభుత్వం కసరత్తు చేస్తోంది. ఈ ఎన్నికలు కాంగ్రెస్ ప్రభుత్వ పనితీరుపై గ్రామీణ, పట్టణ ప్రాంతాల్లో ఓటర్ల మనోగతాన్ని ప్రతిబింబించే అవకాశం ఉంది. తెలంగాణ రాష్ట్ర ఎన్నికల సంఘం (టీఎస్‌ఈసీ) ఇప్పటికే ఎన్నికల సన్నాహాలను దాదాపు పూర్తి చేసింది. 70,000 బ్యాలెట్ బాక్స్‌లను సిద్ధం చేయడంతో పాటు, ఓటరు జాబితాలు, పోలింగ్ స్టేషన్‌ల వివరాలను ఖరారు చేసింది. రాష్ట్రంలో 12,815 గ్రామ పంచాయతీలు, 1.14 లక్షల వార్డులతో పాటు 538 జడ్పీటీసీ, 5,817 ఎంపీటీసీ స్థానాలకు ఎన్నికలు జరగనున్నాయి. ఈ ఎన్నికలు రాష్ట్ర రాజకీయాల్లో కీలక మలుపుగా మారనున్నాయని, కాంగ్రెస్, బీఆర్‌ఎస్, బీజేపీల మధ్య తీవ్ర పోటీ నెలకొనే అవకాశం ఉందని రాజకీయ విశ్లేషకులు అంచనా వేస్తున్నారు.

Please log in to like, share and comment!

Affiliations with BMA: Powering a Nation Through Media Partnerships 🤝

🤝 Affiliations with BMA: Powering a Nation Through Media Partnerships In a country as diverse...

By 2025-04-30 10:38:27 0 3K

అమెరికాలో రోడ్డు ప్రమాదం: తెలంగాణకు చెందిన ఇద్దరమ్మాయిల దుర్మరణం!

అమెరికాలో రోడ్డు ప్రమాదం: తెలంగాణకు చెందిన ఇద్దరమ్మాయిల దుర్మరణం! అమెరికాలో కారు లోయలో...

By 2025-12-29 14:58:26 0 115

Hyderabad. Police Commissioner. V.C. Sjjanar press note.|

Hyderabad : Hyderabad City Police Commissioner V. C. Sajjanar, IPS, called...

By 2025-12-20 16:51:00 0 198

వంగవీటి రంగా 37వ వర్ధంతి సందర్భంగా నివాళులర్పించిన రంగ కుమార్తె వంగవీటి ఆసకిరణ్

*విజయవాడ*: వంగవీటి రంగా 37వ వర్ధంతి సందర్భంగా నివాళులర్పించిన రంగా కుమార్తె...

By 2025-12-26 10:01:04 0 98

పుంగనూరు నియోజకవర్గం : అదృశ్యమైన బాలుడి ఆచూకీ లభ్యం.

పుంగనూరు నియోజకవర్గం, రొంపిచర్లలో తప్పిపోయిన ఏపీ మోడల్ స్కూల్ విద్యార్థి పవన్ కుమార్ రెడ్డి ఆచూకీ...

By 2026-01-26 14:14:46 0 77

Bharat Aawaz | BMA | IINNSIDE https://ba.bharataawaz.com