Pagadala Venkateswar

Verified User

Sr. Journalist - Bharat Aawaz (Mandal | Teshil | ) Member

నిన్నటి పోలింగ్‌లో రిగ్గింగ్, అక్రమాల ఫిర్యాదులతో ఈసీ నిర్ణయం
తుపాను కారణంగా వాయిదా పడిన పోలింగ్ కూడా నేడే
రేపు తేలనున్న అభ్యర్థుల భవితవ్యం
ఆంధ్రప్రదేశ్‌లో నిన్న జరిగిన జడ్పీటీసీ, ఎంపీటీసీ ఎన్నికల్లో రిగ్గింగ్, బూత్ కబ్జా వంటి అక్రమాలు జరిగాయన్న ఫిర్యాదుల నేపథ్యంలో రాష్ట్ర ఎన్నికల సంఘం (SEC) రీపోలింగ్‌కు ఆదేశించింది. మొత్తం 6 జిల్లాల పరిధిలోని 7 పోలింగ్ కేంద్రాల్లో ఈరోజు ఉదయం 7 గంటలకు రీపోలింగ్ ప్రక్రియ ప్రారంభమైంది. సాయంత్రం 5 గంటల వరకు ఈ పోలింగ్ కొనసాగనుంది.

అనంతపురం, శ్రీకాకుళం, కర్నూలు, మార్కాపురం, పల్నాడు జిల్లాల్లోని నిర్దేశిత కేంద్రాల్లో అధికారులు తిరిగి పోలింగ్ నిర్వహిస్తున్నారు. మరోవైపు, తుపాను కారణంగా నిన్న వాయిదా పడిన ఏలూరు, తూర్పు గోదావరి జిల్లాల్లోని కొన్ని మండలాల్లో కూడా నేడే పోలింగ్ జరుగుతోంది. నిన్న జరిగిన పోలింగ్ సందర్భంగా పలుచోట్ల అధికార, ప్రతిపక్ష పార్టీల కార్యకర్తల మధ్య స్వల్ప ఘర్షణలు, ఉద్రిక్తతలు చోటుచేసుకున్నాయి.

సాయంత్రం 5 గంటలకు పోలింగ్ ముగిసిన తర్వాత బ్యాలెట్ బాక్సులను స్ట్రాంగ్ రూమ్‌లకు తరలిస్తారు. ముందుగా ప్రకటించిన షెడ్యూల్ ప్రకారం, పరిషత్ ఎన్నికల ఓట్ల లెక్కింపు ప్రక్రియ రేపు (నవంబర్ 7) ఉదయం 8 గంటలకు ప్రారంభం కానుంది.

మరోవైపు, అధికార కూటమి ప్రభుత్వం పెద్ద ఎత్తున రిగ్గింగ్‌కు పాల్పడిందని వైసీపీ అధినేత జగన్ తీవ్ర ఆరోపణలు చేశారు. రాష్ట్రంలో జరిగింది ఎన్నికలు కావని, సెలక్షన్లు అని ఆయన వ్యాఖ్యానించారు.

విజయవాడలో తగ్గనున్న రైళ్ల నిరీక్షణ.. కృష్ణా నదిపై కొత్త వంతెన
బల్లార్ష-గూడూరు ప్రాజెక్టులో ముందడుగు.. విజయవాడలో కొత్త రైల్వే బ్రిడ్జి
నదిపై 1.30 కిలోమీటర్ల పొడవుతో మూడో వంతెన
విజయవాడలో రైల్వే ట్రాఫిక్ రద్దీని తగ్గించే దిశగా రైల్వే శాఖ కీలక ముందడుగు వేసింది. నగరంలో కృష్ణా నదిపై కొత్తగా మరో రైల్వే వంతెన నిర్మించేందుకు ప్రతిపాదనలు సిద్ధం చేసింది. బల్లార్ష-ఖాజీపేట-విజయవాడ-గూడూరు మధ్య నిర్మిస్తున్న నాలుగో రైల్వే లైన్ ప్రాజెక్టులో భాగంగా ఈ వంతెనను నిర్మించనున్నారు. ఈ మేరకు రూ.5,858 కోట్ల అంచనాలతో రూపొందించిన సమగ్ర ప్రాజెక్టు నివేదిక (డీపీఆర్)ను రైల్వే బోర్డుకు సమర్పించారు.

విజయవాడ-గూడూరు మధ్య 293 కిలోమీటర్ల మేర నిర్మించనున్న నాలుగో లైన్ ప్రాజెక్టులో ఈ కొత్త వంతెన అత్యంత కీలకం కానుంది. విజయవాడ జంక్షన్-కృష్ణా కెనాల్ జంక్షన్ స్టేషన్ల మధ్య, సీతానగరం వద్ద ఈ వంతెన నిర్మాణం జరగనుంది. ఇప్పటికే ఇక్కడ కృష్ణా నదిపై రెండు రైల్వే వంతెనలు ఉన్నాయి. ఒకటి డబుల్ లైన్‌తో, మరొకటి సింగిల్ లైన్‌తో సేవలందిస్తున్నాయి. ఇప్పుడు వీటికి పక్కనే నదిపై 1.30 కిలోమీటర్ల పొడవుతో మూడో వంతెనను నిర్మించనున్నారు.
ఈ కొత్త వంతెన నిర్మాణం పూర్తయితే రైళ్ల రాకపోకల్లో జాప్యం గణనీయంగా తగ్గనుంది.

ముఖ్యంగా తెనాలి, గుంటూరు మార్గాల నుంచి విజయవాడ వచ్చే రైళ్లు కృష్ణా కెనాల్ స్టేషన్ వద్ద సిగ్నల్ కోసం నిరీక్షించాల్సిన అవసరం ఉండదు. అదేవిధంగా, ఉత్తరాది రాష్ట్రాల నుంచి విజయవాడ మీదుగా తమిళనాడు వైపు వెళ్లే గూడ్స్ రైళ్లు కూడా ఎలాంటి ఆటంకాలు లేకుండా వేగంగా ప్రయాణించేందుకు వీలు కలుగుతుంది. ప్రస్తుతం ఈ ప్రాజెక్టుకు సంబంధించిన డీపీఆర్ రైల్వే బోర్డు ఆమోదం కోసం వేచి చూస్తోంది

తిరుమల శ్రీవారి దర్శనానికి భక్తుల రద్దీ కొనసాగుతోంది. ఈ ఉదయం నాటికి, వైకుంఠం క్యూ కాంప్లెక్స్‌లోని 11 కంపార్ట్‌మెంట్లు భక్తులతో నిండిపోయాయి. టోకెన్లు లేని భక్తులకు సర్వదర్శనానికి సుమారు 6 నుంచి 8 గంటల సమయం పడుతోందని అధికారులు వెల్లడించారు. శని, ఆదివారాలు సెలవులు కావడంతో రద్దీ మరింత పెరిగే అవకాశం ఉందని అంచనా వేస్తున్నారు.

గురువారం ఒక్కరోజే 65,218 మంది భక్తులు స్వామివారిని దర్శించుకున్నారు. వీరిలో 20,213 మంది తలనీలాలు సమర్పించారు. శ్రీవారి హుండీ ఆదాయం రూ.3.64 కోట్లుగా నమోదైంది.

మరోవైపు, ఈ నెల 20 నుంచి 29వ తేదీ వరకు పది రోజుల పాటు జరగనున్న వైకుంఠ ద్వార దర్శనానికి టీటీడీ విస్తృత ఏర్పాట్లు చేస్తోంది. దీనిపై టీటీడీ అదనపు ఈవో వెంకయ్య చౌదరి అధికారులతో ఉన్నతస్థాయి సమీక్ష నిర్వహించారు. వీలైనంత ఎక్కువ మంది సామాన్య భక్తులకు దర్శనభాగ్యం కల్పించడమే లక్ష్యంగా ఏర్పాట్లు చేయాలని ఆదేశించారు.

సమీక్షలో తీసుకున్న నిర్ణయాల ప్రకారం, తొలి మూడు రోజులు (డిసెంబర్ 20-22) ఆన్‌లైన్ ఈ-డిప్ విధానంలో ఎస్‌ఎస్‌డీ టోకెన్లు కేటాయించనున్నారు. మిగిలిన ఏడు రోజులు (డిసెంబర్ 23-29) పూర్తిగా సర్వదర్శనం భక్తులకు అనుమతిస్తారు. డిసెంబర్ 25వ తేదీన అభిషేక సేవ సమయంలో కూడా సర్వదర్శనం భక్తులకు ఇబ్బందులు కలగకుండా చూడాలని ఆయన అధికారులకు సూచించారు.

Madanapalle: మదనపల్లె 34వ వార్డు కౌన్సిలర్‌గా బోయపాటి రంగస్వామి నాయుడు అత్యధిక మెజారిటీతో విజయం సాధించిన సందర్భంగా మదనపల్లె ఎమ్మెల్యే షాజహాన్ భాషను మర్యాదపూర్వకంగా కలిశారు. ఈ సందర్భంగా తనయుడు బోయపాటి లోకేష్ నాయుడుతో కలిసి ఎమ్మెల్యేకు శుభాకాంక్షలు తెలియజేసి, శాలువాతో ఘనంగా సత్కరించారు. ఈ సందర్భంగా బోయపాటి రంగస్వామి నాయుడు మాట్లాడుతూ.. 34వ వార్డు ప్రజలు తనపై నమ్మకంతో అత్యధిక మెజారిటీతో గెలిపించినందుకు కృతజ్ఞతలు తెలిపారు. వార్డు ప్రజలకు అందుబాటులో ఉంటూ వారి సమస్యల పరిష్కారానికి కృషి చేస్తానని, మదనపల్లె అభివృద్ధికి ఎమ్మెల్యే షాజహాన్ భాష నాయకత్వంలో తన వంతు సహకారం అందిస్తానని తెలిపారు.

బ్రిక్స్ సుస్థిర జీవనశైలి వారోత్సవాల్లో భాగంగా ఆరో రోజైన గురువారం మదనపల్లి మున్సిపాలిటీ పరిధిలోని రామారావు కాలనీ అర్బన్ ప్రైమరీ హెల్త్ సెంటర్ ఆధ్వర్యంలో ఒకసారి ఉపయోగించే ప్లాస్టిక్ వల్ల కలిగే అనర్థాలపై ప్రజలకు అవగాహన కల్పించారు. ఈ సందర్భంగా వైద్యాధికారి డాక్టర్ విష్ణువర్ధన్ రెడ్డి ప్లాస్టిక్ వినియోగం వల్ల పర్యావరణానికి, మానవ ఆరోగ్యానికి కలిగే నష్టాలను వివరించారు. ప్లాస్టిక్ కవర్లు, టీ కప్పులు, వాటర్ గ్లాసులు వంటి వస్తువుల వినియోగం రోజురోజుకు పెరుగుతోందన్నారు. ప్లాస్టిక్ సులభంగా నాశనం కాకపోవడంతో పర్యావరణంలో దీర్ఘకాలం ఉండి కాలుష్యానికి కారణమవుతుందని తెలిపారు.

ఆంధ్రప్రదేశ్ హోం శాఖ మంత్రి వంగలపూడి అనిత పరిషత్ ఎన్నికల్లో తన ఓటు హక్కును వినియోగించుకున్నారు. అనకాపల్లి జిల్లా నక్కపల్లిలోని ఒక పోలింగ్ కేంద్రంలో ఆమె ఓటు వేశారు. మంత్రిగా ఎలాంటి ప్రత్యేక ఏర్పాట్లు లేకుండా, ఒక సామాన్య పౌరురాలిగా తన కుటుంబసభ్యులతో కలిసి క్యూలైన్‌లో నిలబడటం అందరి దృష్టిని ఆకర్షించింది. తన వంతు వచ్చేవరకు అందరితో పాటు వేచి ఉండి ఆమె ఓటు వేశారు. పాయకరావుపేట నియోజకవర్గానికి ఆమె ఎమ్మెల్యేగా ప్రాతినిధ్యం వహిస్తుండగా, నక్కపల్లి మండలం ఆ నియోజకవర్గం పరిధిలోకే వస్తుంది.

ఓటు వేసిన అనంతరం మంత్రి అనిత మీడియాతో మాట్లాడారు. "ప్రజాస్వామ్యంలో ఓటు చాలా కీలకం. ప్రతిఒక్కరూ ఓటు హక్కును వినియోగించుకోవాలి" అని ఆమె ప్రజలకు పిలుపునిచ్చారు. ప్రజాస్వామ్య ప్రక్రియలో పాల్గొనడం ప్రతి పౌరుడి బాధ్యత అని గుర్తుచేశారు.

ఎంపీటీసీ, జడ్పీటీసీ ఎన్నికల సందర్భంగా అధికార వైసీపీ నేతలు దౌర్జన్యాలకు, అక్రమాలకు పాల్పడుతున్నారని తెలుగుదేశం పార్టీ ఆరోపించింది. ఈ మేరకు టీడీపీ ఎమ్మెల్యేలు గల్లా మాధవి, నసీర్ అహ్మద్ రాష్ట్ర ఎన్నికల సంఘానికి (ఎస్ఈసీ) ఫిర్యాదు చేశారు. ఎన్నికల ప్రక్రియను అడ్డుకుంటున్న వైసీపీ నేతలపై కఠిన చర్యలు తీసుకోవాలని వారు డిమాండ్ చేశారు.

పులివెందుల, సంతనూతలపాడు, సత్తెనపల్లి, చీరాల, చంద్రగిరి నియోజకవర్గాల్లో వైసీపీ శ్రేణులు పెద్ద ఎత్తున ఎన్నికల నిబంధనలను ఉల్లంఘిస్తున్నాయని వారు తమ ఫిర్యాదులో పేర్కొన్నారు. ముఖ్యంగా కడప జిల్లా పులివెందులలో పెట్రోల్ బాంబులతో దాడులు చేస్తూ ఓటర్లను భయభ్రాంతులకు గురిచేస్తున్నారని ఎస్ఈసీ దృష్టికి తీసుకెళ్లారు. ప్రజాస్వామ్యాన్ని అపహాస్యం చేస్తున్న ఇలాంటి ఘటనలపై తక్షణం స్పందించి, బాధ్యులపై చర్యలు తీసుకోవాలని కోరారు.

మరోవైపు, తిరుపతి జిల్లా పెనుగలూరులో పెట్రోల్ బాంబుల దాడి జరిగిందన్న వార్తలను తిరుపతి ఎస్పీ సుబ్బరాయుడు ఖండించారు. జిల్లాలో చిన్నపాటి ఘటనలు మినహా ఎన్నికలు ప్రశాంతంగా జరుగుతున్నాయని ఆయన స్పష్టం చేశారు.

ఎంపీటీసీ, జడ్పీటీసీ ఎన్నికల పోలింగ్ సందర్భంగా అనంతపురం జిల్లాలో పలుచోట్ల ఉద్రిక్త పరిస్థితులు నెలకొన్నాయి. వైసీపీ నేతలు దౌర్జన్యాలకు పాల్పడ్డారంటూ ఆరోపణలు వెల్లువెత్తాయి. కూడేరు మండలం మరుట్లలోని పోలింగ్ కేంద్రంలో వైసీపీ నేతలు వీరంగం సృష్టించారు. పోలింగ్ బూత్‌లో ఉన్న బ్యాలెట్ బాక్సును బయటకు లాక్కొచ్చి రాళ్లతో బద్దలుకొట్టారు. ఈ ఘటనను అడ్డుకోబోయిన పోలీసులపైనా వారు దాడికి పాల్పడ్డారు. ఈ క్రమంలో ఇద్దరు కానిస్టేబుళ్లు గాయపడ్డారు.

ఇదే తరహాలో జిల్లాలోని మరికొన్ని ప్రాంతాల్లోనూ వైసీపీ శ్రేణులు దాడులకు దిగాయి. బ్రహ్మసముద్రం మండలం పోలేపల్లిలో పోలింగ్ కేంద్రం వెలుపల ఉన్న టీడీపీ కార్యకర్తలపై దాడి చేశారు. శెట్టూరు మండలం చిందర్లపల్లిలో ఏకంగా పోలింగ్ కేంద్రంలోకి చొరబడి టీడీపీ ఏజెంట్లపై దాడికి పాల్పడ్డారు. ఈ దాడిలో గాయపడిన అమిలినేని యశ్వంత్‌ అనే కార్యకర్తను చికిత్స నిమిత్తం ఆసుపత్రికి తరలించారు.

నకిలీ పత్రాలతో భూమి రిజిస్ట్రేషన్?
పోలీసులు వెల్లడించిన వివరాల ప్రకారం.. మదనపల్లెకు చెందిన మార్పూరి శ్రీరామ్‌కు సంబంధించిన భూమిని ఆయన పెద్దనాన్న కుమారుడు మార్పూరి వెంకటేష్ 2023లోనే రాసిచ్చినట్లు నకిలీ పత్రాలు సృష్టించినట్లు ఆరోపణలు ఉన్నాయి. అనంతరం వైఎస్సార్ కడప జిల్లా పులివెందుల సబ్ రిజిస్ట్రార్ కార్యాలయంలో ఆ పత్రాల ఆధారంగా అక్రమంగా రిజిస్ట్రేషన్ చేయించినట్లు తెలుస్తోంది. ఆ తర్వాత నిందితులు సదరు భూమిలోకి ప్రవేశించి, అక్కడి ఆస్తులను ధ్వంసం చేసి స్థలాన్ని తమ ఆధీనంలోకి తీసుకున్నారని బాధితుడు పోలీసులకు ఫిర్యాదు చేశారు. ఈ ఫిర్యాదు ఆధారంగా పోలీసులు కేసు నమోదు చేసి దర్యాప్తు చేపట్టారు.

పీటీ వారెంట్‌పై ముగ్గురి అరెస్ట్
ఈ వ్యవహారంలో ఇప్పటికే ఇతర కేసులకు సంబంధించి మదనపల్లె సబ్‌జైలులో ఉన్న నిందితులపై పోలీసులు పీటీ వారెంట్ జారీ చేశారు. దీంతో రౌడీషీటర్ కోనేటి సులోచన, ఆమె అనుచరుడు గుండిగల మోహన్, రియల్టర్ కడియాల శ్రీరాములునాయుడును పోలీసులు అదుపులోకి తీసుకున్నారు. అనంతరం కోర్టులో హాజరుపరిచి రిమాండ్‌కు తరలించారు. మదనపల్లె టూటౌన్ ఎస్ఐ నాగేశ్వర్‌రావు ఈ కేసుకు సంబంధించిన వివరాలను వెల్లడించారు. భూ ఆక్రమణ వ్యవహారంలో మరో ఎనిమిది మంది ప్రమేయం ఉన్నట్లు గుర్తించామని, ప్రస్తుతం వారు పరారీలో ఉన్నారని తెలిపారు. వారి కోసం గాలింపు కొనసాగుతోందని, త్వరలోనే పట్టుకుంటామని పేర్కొన్నారు.

నవంబర్ 11 నుంచి ఆన్‌లైన్‌లో దరఖాస్తుల స్వీకరణ ప్రారంభం
మొత్తం పోస్టుల్లో 2,111 స్కూల్ అసిస్టెంట్, సెకండరీ గ్రేడ్ టీచర్ పోస్టులు
స్పెషల్ ఎడ్యుకేషన్ టీచర్లుగా 350, వివిధ సొసైటీల్లో మరో 260 ఖాళీలు
జిల్లాల వారీగా ఖాళీలు, అర్హతలపై పూర్తి వివరాలను వెల్లడించిన విద్యాశాఖ
ఏపీలో ఉపాధ్యాయ ఉద్యోగాల కోసం ఎదురుచూస్తున్న నిరుద్యోగులకు రాష్ట్ర ప్రభుత్వం శుభవార్త చెప్పింది. మొత్తం 2,721 టీచర్ పోస్టుల భర్తీకి సంబంధించిన డీఎస్సీ-2026 (ఏపీటీఆర్‌టీ-2026) పూర్తిస్థాయి నోటిఫికేషన్‌ను పాఠశాల విద్యాశాఖ విడుదల చేసింది. అభ్యర్థుల నుంచి నవంబర్ 11వ తేదీ నుంచి ఆన్‌లైన్‌లో దరఖాస్తులను స్వీకరించనున్నట్లు ప్రకటించింది.

భర్తీ చేయనున్న మొత్తం 2,721 పోస్టుల్లో రెగ్యులర్ విభాగంలో అత్యధికంగా 2,111 ఖాళీలు ఉన్నాయి. వీటిలో స్కూల్ అసిస్టెంట్ (ఎస్ఏ), సెకండరీ గ్రేడ్ టీచర్ (ఎస్‌జీటీ) పోస్టులు ఉన్నాయి. వీటితో పాటు ప్రత్యేక అవసరాలు గల విద్యార్థుల కోసం 350 స్పెషల్ ఎడ్యుకేషన్ టీచర్ పోస్టులను కూడా ఈ నోటిఫికేషన్ ద్వారా భర్తీ చేయనున్నారు. ప్రభుత్వ ఆధ్వర్యంలోని వివిధ సొసైటీల పాఠశాలల్లో సైతం పెద్ద సంఖ్యలో నియామకాలు చేపట్టనున్నారు.

వివిధ సొసైటీల పరిధిలో మొత్తం 260 పోస్టులను భర్తీ చేయనున్నట్లు విద్యాశాఖ తెలిపింది. ఈ ఖాళీలలో ప్రిన్సిపాల్, పోస్ట్ గ్రాడ్యుయేట్ టీచర్లు (పీజీటీ), ట్రైన్డ్ గ్రాడ్యుయేట్ టీచర్లు (టీజీటీ), ఫిజికల్ డైరెక్టర్లు (పీడీ), ఫిజికల్ ఎడ్యుకేషన్ టీచర్ల (పీఈటీ) పోస్టులు ఉన్నాయి.

జిల్లాల వారీగా, సబ్జెక్టుల వారీగా ఉన్న ఖాళీల వివరాలు, పోస్టులకు అవసరమైన విద్యార్హతలు, దరఖాస్తు రుసుము, ఎంపిక ప్రక్రియకు సంబంధించిన పూర్తి సమాచారాన్ని అధికారిక వెబ్‌సైట్‌లో అందుబాటులో ఉంచినట్లు అధికారులు తెలిపారు. ఆసక్తి, అర్హత గల అభ్యర్థులు అధికారిక వెబ్‌సైట్‌లో నోటిఫికేషన్‌ను పూర్తిగా చదివి, సూచించిన గడువులోగా దరఖాస్తు చేసుకోవాలని సూచించారు.

Madanapalle: మదనపల్లె మండలంలోని కోళ్లబైలు 1, 2 ఇంచార్జ్ రాటకొండ శ్రీనివాసులు నాయుడు, ఎంపీటీసీ అభ్యర్థి మోహన్ రెడ్డితో పాటు మల్లికార్జున, పల్ల రామచంద్ర, రాజు, బాషా, రాము తదితరులు తమ ఓటు హక్కును వినియోగించుకున్నారు. ఈ సందర్భంగా రాటకొండ శ్రీనివాసులు నాయుడు మాట్లాడుతూ ప్రజాస్వామ్యంలో ఓటు హక్కు ఎంతో విలువైనదని, ప్రతి ఒక్కరూ తమ ఓటు హక్కును బాధ్యతగా వినియోగించుకోవాలని పిలుపునిచ్చారు. ప్రజలు పెద్ద సంఖ్యలో పోలింగ్‌లో పాల్గొని ప్రజాస్వామ్యాన్ని బలోపేతం చేయాలని కోరారు.

మిషన్ లైఫ్, స్వర్ణ ఆంధ్ర – స్వచ్ఛ ఆంధ్ర కార్యక్రమంలో భాగంగా బుధవారం మదనపల్లి-2 ఆర్టీసీ డిపోలో సిబ్బంది కోసం సుస్థిర ఆహార విధానాలపై ప్రత్యేక అవగాహన సదస్సు నిర్వహించారు. డిపో మేనేజర్ లక్ష్మీ నారాయణ అధ్యక్షతన జరిగిన ఈ కార్యక్రమంలో, న్యూరో సర్జన్ డాక్టర్ మల్లికార్జున ముఖ్య అతిథిగా పాల్గొని ప్రసంగించారు. ఆరోగ్యకరమైన జీవనశైలి కోసం పోషక విలువలున్న ఆహారం తీసుకోవాలని, ఆహారాన్ని వృథా చేయకుండా చిరుధాన్యాలను అలవాటు చేసుకోవడం వల్ల కలిగే ప్రయోజనాలను ఆయన వివరించారు.

ఆంధ్రప్రదేశ్‌లో నెలకొన్న తీవ్ర వర్షాభావ పరిస్థితులతో వ్యవసాయ రంగం కుదేలైన నేపథ్యంలో, రైతులను, ప్రజలను ఆదుకునేందుకు కేంద్ర ప్రభుత్వం అన్ని విధాలా సహాయం అందించాలని ముఖ్యమంత్రి చంద్రబాబు కోరారు. రాష్ట్రంలో కరవు తీవ్రతను అంచనా వేసేందుకు పర్యటించిన కేంద్ర అంతర మంత్రిత్వ శాఖల బృందం (ఐఎంసీటీ) బుధవారం అమరావతిలో ముఖ్యమంత్రిని కలిసింది. ఈ సందర్భంగా రాష్ట్రంలో నెలకొన్న కరువు పరిస్థితులు, రైతులు ఎదుర్కొంటున్న సమస్యలు, ప్రభుత్వం చేపడుతున్న ఉపశమన చర్యలను సీఎం వారికి సమగ్రంగా వివరించారు.

రాష్ట్రంలోని వాస్తవ పరిస్థితులను కేంద్ర బృందానికి వివరిస్తూ, "ఒకవైపు తీరప్రాంతం తుఫాన్లతో నష్టపోతుంటే, మరోవైపు రాయలసీమ, ఇతర ప్రాంతాలు ఎల్ నినో ప్రభావంతో తీవ్ర కరవు కోరల్లో చిక్కుకున్నాయి" అని చంద్రబాబు ఆవేదన వ్యక్తం చేశారు. ఈ ఏడాది సాధారణం కంటే అత్యంత తక్కువ వర్షపాతం నమోదు కావడం వల్ల ఖరీఫ్ పంటలు పూర్తిగా దెబ్బతిన్నాయని తెలిపారు.

ముఖ్యంగా రాయలసీమ జిల్లాల్లో పరిస్థితి అత్యంత ఆందోళనకరంగా ఉందని, సాగునీటితో పాటు తాగునీరు, పశుగ్రాసానికి కూడా తీవ్ర ఇబ్బందులు తలెత్తుతున్నాయని వివరించారు. దేశంలోనే రెండో అత్యల్ప వర్షపాతం నమోదైన ప్రాంతంగా అనంతపురం జిల్లా నిలిచిన విషయాన్ని ఆయన బృందం దృష్టికి తీసుకెళ్లారు. ఇప్పటికే రాష్ట్రంలోని 21 జిల్లాల్లో 412 మండలాలను కరవు ప్రభావిత ప్రాంతాలుగా ప్రకటించామని, పంట నష్టాలపై పూర్తిస్థాయి అంచనాలతో వారం రోజుల్లో కేంద్రానికి నివేదిక సమర్పిస్తామని ముఖ్యమంత్రి స్పష్టం చేశారు

ఆంధ్రప్రదేశ్‌లో ఇటీవల ముగిసిన పురపాలక ఎన్నికల ప్రక్రియలో మరో కీలక ఘట్టానికి రంగం సిద్ధమైంది. రాష్ట్రంలోని నూతనంగా ఎన్నికైన మేయర్లు, మున్సిపల్ ఛైర్‌పర్సన్‌ల ప్రమాణ స్వీకారానికి రాష్ట్ర ఎన్నికల సంఘం ముహూర్తం ఖరారు చేసింది. ఈ నెల 23న వారు తమ బాధ్యతలను అధికారికంగా స్వీకరించనున్నారని ఎస్‌ఈసీ స్పష్టం చేసింది.

రాష్ట్రవ్యాప్తంగా 13 కార్పొరేషన్లు, 77 మున్సిపాలిటీలు, 10 నగర పంచాయతీల్లో ఎన్నికల ఫలితాలు వెలువడిన సంగతి తెలిసిందే. ప్రజలు నేరుగా తమ నగర సారథులను ఎన్నుకోవడంతో, గెలుపొందిన అభ్యర్థులు ప్రమాణ స్వీకారం చేసేందుకు ఎస్‌ఈసీ తేదీని ఖరారు చేస్తూ తాజా ఉత్తర్వులు జారీ చేసింది. దీనితో కొత్త పాలకవర్గాల ఏర్పాటు ప్రక్రియ వేగవంతం కానుంది.

అయితే, డిప్యూటీ మేయర్లు, వైస్ ఛైర్‌పర్సన్‌ల ఎన్నికపై ఇంకా స్పష్టత రాలేదు. ఈ పదవుల ఎన్నికకు సంబంధించిన తేదీలు, విధివిధానాలపై ఎస్‌ఈసీ నుంచి ప్రత్యేకంగా ప్రకటన వెలువడాల్సి ఉంది. గతంలో ఈ పదవులను పరోక్ష పద్ధతిలో కౌన్సిలర్లు ఎన్నుకునేవారు. అయితే, ఇప్పుడు మేయర్లు, ఛైర్‌పర్సన్ల ఎన్నిక ప్రత్యక్ష పద్ధతిలో జరిగినందున, డిప్యూటీ పదవుల ఎన్నిక ప్రక్రియకు సంబంధించి ఎస్‌ఈసీ కొత్త మార్గదర్శకాలను జారీ చేయనున్నట్లు తెలుస్తోంది.

నవంబరు 23న మేయర్లు, ఛైర్‌పర్సన్‌లు బాధ్యతలు చేపట్టినప్పటికీ, పూర్తిస్థాయి పాలకవర్గాల ఏర్పాటుకు మరికొంత సమయం పట్టే అవకాశం ఉంది. ఎస్‌ఈసీ నుంచి తదుపరి ఆదేశాలు వెలువడిన తర్వాతే డిప్యూటీ మేయర్లు, వైస్ ఛైర్‌పర్సన్‌ల ఎన్నిక ప్రక్రియ ప్రారంభం కానుంది. అప్పటివరకు ఈ అంశంపై ఉత్కంఠ కొనసాగనుంది.

Madanapalle: మదనపల్లె మున్సిపాలిటీ 42వ వార్డులో జనసేన పార్టీ తరఫున కౌన్సిలర్‌గా విజయం సాధించిన మండపల్లి గాయత్రి తనను గెలిపించిన వార్డు ప్రజలకు పేరు పేరునా కృతజ్ఞతలు తెలిపారు. తన విజయానికి సహకరించి, అహర్నిశలు కృషి చేసిన జేసీబీ మధుసూదన్ రెడ్డికి ఘనంగా సన్మానం నిర్వహించారు. ఈ సందర్భంగా మధుసూదన్ రెడ్డి మాట్లాడుతూ.. 42వ వార్డులో సాధించిన ఈ విజయం తన ఒక్కడిదే కాదని, వార్డులోని ప్రతి ఒక్కరిదని అన్నారు. తనపై నమ్మకంతో జనసేన అభ్యర్థి మండపల్లి గాయత్రిని గెలిపించిన ప్రజలందరికీ ప్రత్యేక ధన్యవాదాలు తెలిపారు. ప్రజల ఆశయాలకు అనుగుణంగా నూతన కౌన్సిలర్ పనిచేస్తూ వార్డు అభివృద్ధికి కృషి చేయాలని ఆకాంక్షించారు. ప్రజల సహకారంతో మరింత అభివృద్ధి సాధిస్తామని ఆయన పేర్కొన్నారు.

Madanapalle: మదనపల్లె మున్సిపాలిటీ 43వ వార్డు కౌన్సిలర్‌గా రత్నమయ్య విజయం సాధించిన సందర్భంగా ఆయనతో పాటు మహేష్, జహా అన్న యువసేన నాయకులు, 43వ వార్డు నాయకులు బాలమాలి శేఖర్, వాతల జనార్దన్, చిన్నప్ప తదితరులు ఎమ్మెల్యే షాజహాన్ భాషాను మర్యాదపూర్వకంగా కలిశారు. ఈ సందర్భంగా ఎమ్మెల్యే షాజహాన్ భాషాను శాలువాతో ఘనంగా సన్మానించి శుభాకాంక్షలు తెలియజేశారు. ఈ సందర్భంగా నాయకులు పరస్పరం అభినందనలు తెలుపుకుంటూ సంతోషం వ్యక్తం చేశారు.

ఆంధ్రప్రదేశ్ విద్యుత్ నియంత్రణ మండలి (ఏపీఈఆర్సీ) నూతన చైర్మన్‌గా విశ్రాంత ఐఏఎస్ అధికారి బినోయ్ కుమార్‌ను రాష్ట్ర ప్రభుత్వం నియమించింది. ఈ మేరకు రాష్ట్ర ఇంధన శాఖ అధికారిక ఉత్తర్వులు జారీ చేసింది. ఆయన పదవీ బాధ్యతలు చేపట్టిన తేదీ నుంచి ఐదేళ్ల పాటు లేదా 70 ఏళ్ల వయస్సు నిండే వరకు (ఈ రెండింటిలో ఏది ముందైతే అది) ఆ పదవిలో కొనసాగుతారు.

బినోయ్ కుమార్‌కు పరిపాలనా రంగంలో విశేష అనుభవం ఉంది. ఆయన మూడు దశాబ్దాలకు పైగా కేంద్ర, రాష్ట్ర ప్రభుత్వ సర్వీసుల్లో పలు కీలక బాధ్యతలు నిర్వర్తించారు. ముఖ్యంగా, ఉమ్మడి ఆంధ్రప్రదేశ్‌లో 2012-13 మధ్య కాలంలో ముఖ్యమంత్రికి ప్రధాన కార్యదర్శిగా పనిచేశారు. విద్యుత్ రంగంలో సంస్కరణలు తీసుకురావడం, నిర్వహణ సామర్థ్యాన్ని పెంపొందించడం వంటి అంశాలపై ఆయనకు లోతైన అవగాహన ఉంది.

ఏపీ రాజకీయాల్లో జనసేన పార్టీ తన విజయ పరంపరను కొనసాగిస్తోంది. సార్వత్రిక ఎన్నికల్లో అద్భుతమైన ప్రదర్శన కనబరిచిన జనసేన, తాజాగా జరిగిన కార్పొరేషన్లు, మున్సిపాలిటీలు, నగర పంచాయతీ ఎన్నికల్లోనూ అదే జోరును ప్రదర్శించింది. ఏకంగా 100 శాతం స్ట్రైక్ రేట్‌తో అద్భుత విజయాన్ని నమోదు చేసింది. టీడీపీ-జనసేన-బీజేపీ కూటమి పొత్తులో భాగంగా జనసేనకు కేటాయించిన అన్ని స్థానాల్లోనూ జయకేతనం ఎగురవేసింది.

కూటమి ఒప్పందం ప్రకారం.. జనసేన పార్టీకి మొత్తం 4 మున్సిపల్ కార్పొరేషన్లు (మేయర్ స్థానాలు), 21 మున్సిపాలిటీలు/నగర పంచాయతీలు (ఛైర్‌పర్సన్ స్థానాలు) దక్కాయి. వీటిలో తాజాగా 2 కార్పొరేషన్లు (విజయవాడ, ఏలూరు), 15 మున్సిపాలిటీలు, 3 నగర పంచాయతీలకు ఎన్నికలు జరిగాయి.

ఈ 20 స్థానాల్లోనూ జనసేన అభ్యర్థులే గెలుపొందడం విశేషం. ప్రతిష్ఠాత్మకమైన విజయవాడ మేయర్ అభ్యర్థిగా బరిలోకి దిగిన వంగవీటి రాధాకృష్ణ, ఏలూరు మేయర్ అభ్యర్థిగా పోటీ చేసిన రెడ్డి అప్పలనాయుడు ఘన విజయం సాధించి పార్టీకి కీలక విజయాలను అందించారు.

డిప్యూటీ సీఎం, జనసేన అధినేత పవన్ కల్యాణ్ ప్రాతినిధ్యం వహిస్తున్న పిఠాపురం నియోజకవర్గంలోని రెండు మున్సిపాలిటీలను జనసేన కైవసం చేసుకుంది. పిఠాపురం మున్సిపల్ ఛైర్‌పర్సన్‌గా జనసేన అభ్యర్థి దానం లాజర్‌బాబు వైసీపీ అభ్యర్థిపై 9,235 ఓట్ల భారీ మెజారిటీతో గెలుపొందారు. ఇక్కడి 36 వార్డుల్లో 3 జనసేనకు ఏకగ్రీవం కాగా, మిగిలిన వాటిలో జనసేన 16, టీడీపీ 5, బీజేపీ 1, వైసీపీ 1 గెలుచుకున్నాయి. 10 మంది స్వతంత్రులు గెలవగా, వారిలో 8 మంది కూటమి రెబల్స్ కావడం గమనా
ర్హం.