Posts
See what everyone’s up to and what’s on their minds
Posts
-
-
-
-
-
-
అందరికీ నమస్తే.
ఈ రోజు శ్రీ రంగనాథ్ గారు, HYDRA కమిషనర్, శ్రీ జోయెల్ డేవిస్ గారు, జాయింట్ కమిషనర్ ఆఫ్ ట్రాఫిక్, హైదరాబాద్, శ్రీ రాహుల్ హెగ్డే గారు, డీసీపీ ట్రాఫిక్-III, శ్రీ రామకృష్ణ, ట్రాఫిక్ ఏసీపీ, రాజేంద్రనగర్ జోన్, శ్రీ శ్రీనివాస్ రెడ్డి గారు, జోనల్ కమిషనర్, రాజేంద్రనగర్ జోన్, ఇతర GHMC, HYDRA అధికారులు మరియు ట్రాఫిక్ పోలీసు అధికారులు రాజేంద్రనగర్ ట్రాఫిక్ పోలీస్ స్టేషన్ పరిధిలోని రామ్‌దేవ్ బాబా వాటర్ లాగింగ్ పాయింట్, పిల్లర్ నెం. 265 మరియు ఇతర వాటర్ లాగింగ్ ప్రాంతాలను సందర్శించి పరిశీలించారు.
వాటర్ లాగింగ్‌కు గల కారణాలను ఫీల్డ్ సిబ్బందితో చర్చించి తెలుసుకున్నారు. వర్షాకాలంలో నీరు సాఫీగా ప్రవహించేందుకు మరియు ట్రాఫిక్ అంతరాయం లేకుండా ఉండేందుకు సిల్ట్, చెత్త మరియు ఇతర వ్యర్థాలను తొలగించి, వాటర్ లాగింగ్ సమస్యలను శాశ్వతంగా పరిష్కరించేందుకు సంబంధిత అధికారులకు తగిన సూచనలు జారీ చేశారు.
1.1K Views -
తెలంగాణ నాన్-గెజిటెడ్ ఆఫీసర్స్ హైదరాబాద్ జిల్లా యూనియన్ అధ్యక్షులు శ్రీ ఎస్. విక్రమ్ కుమార్ మరియు కార్యదర్శి శ్రీ కురాడి శ్రీనివాస్ ఆధ్వర్యంలో నేడు జిల్లా సంఘం ప్రతినిధులు, వివిధ ప్రభుత్వ ఆసుపత్రులు, శాఖల యూనియన్ నాయకులు కలిసి టీఎన్‌జీఓ కేంద్ర సంఘం అధ్యక్షులు శ్రీ మారం జగదీశ్వర్, ప్రధాన కార్యదర్శి డాక్టర్ ఎస్. ఎమ్. హుస్సేని (ముజీబ్) గార్లను మర్యాదపూర్వకంగా కలుసుకున్నారు.
ప్రస్తుతం జరుగుతున్న బదిలీలలో హైదరాబాద్ జిల్లాలోని టీఎన్‌జీఓస్ యూనియన్ కార్యవర్గ సభ్యులు ఎక్కడికక్కడ తమ ప్రస్తుత పని ప్రదేశాలలోనే కొనసాగేలా కేంద్ర సంఘం చేసిన అసాధారణ కృషికి గాను ఈ సందర్భంగా వారికి హృదయపూర్వక కృతజ్ఞతలు మరియు ధన్యవాదాలు తెలియజేశారు.
ఈ సమావేశంలో టీఎన్‌జీఓ కేంద్ర సంఘం కార్యవర్గ సభ్యులు శ్రీమతి ఉమ (కోశాధికారి), శ్రీ కొండల్ రెడ్డి (ఉపాధ్యక్షులు), శ్రీ నరసింహారెడ్డి (ఉపాధ్యక్షులు), మరియు శ్రీమతి శైలజ (సంయుక్త కార్యదర్శి) గార్లు కూడా పాల్గొన్నారు.
అలాగే జిల్లా అసోసియేట్ ప్రెసిడెంట్ శ్రీ కె.ఆర్. రాజ్ కుమార్, ఈసీ مెంబర్ శ్రీ ముఖీమ్ ఖురేషి గార్లతో పాటు ఖైరతాబాద్, అమీర్‌పేట్, కింగ్ కోఠి, జగమ్మేట్, నాంపల్లి, గోల్కొండ ఆసుపత్రుల కమ్యూనిటీ హెల్త్ సెంటర్లు, వర్క్ అకౌంట్స్ డిపార్ట్‌మెంట్, పెన్షన్ పేమెంట్, ట్రెజరీస్ డిపార్ట్‌మెంట్, నిలోఫర్ ఆసుపత్రి, గాంధీ ఆసుపత్రి, ప్రభుత్వ నర్సింగ్ కాలేజ్ మరియు మహిళా శిశు సంక్షేమ శాఖలకు చెందిన అధ్యక్షులు, కార్యదర్శులు, కోశాధికారులు మరియు ఈసీ సభ్యులు పెద్ద సంఖ్యలో పాల్గొన్నారు.
కృతజ్ఞతలు తెలిపిన అనంతరం, హైదరాబాద్ జిల్లా పరిధిలోని వైద్య ఆరోగ్య శాఖ, కార్మిక ఉపాధి మరియు శిక్షణ శాఖలలో నిబంధనలకు విరుద్ధంగా, మానవతా దృక్పథం లేకుండా జిల్లా దాటించి బదిలీ చేసిన పలువురు ఉద్యోగుల సమస్యలను విక్రమ్ కుమార్ గారు కేంద్ర సంఘం నేతలకు వివరించారు.
ముఖ్యంగా తీవ్రమైన అనారోగ్య సమస్యలతో (పోస్ట్-న్యూరోసర్జరీ, ఫిట్స్) బాధపడుతున్న అసిస్టెంట్ ట్రైనింగ్ ఆఫీసర్లు సెక్టార్ పరిధి దాటకుండా చూడాలని, అలాగే భర్త హైదరాబాద్‌లో పనిచేస్తూ భార్యను అన్యాయంగా సంగారెడ్డికి బదిలీ చేసిన ఫార్మాసిస్ట్ గ్రేడ్-2 లాంటి వారిని తిరిగి డెప్యుటేషన్‌పై హైదరాబాద్‌కు తీసుకువచ్చేలా ప్రభుత్వంపై ఒత్తిడి తెచ్చి న్యాయం చేయాలని కేంద్ర సంఘం నాయకత్వాన్ని కోరారు.
దీనిపై టీఎన్‌జీఓ కేంద్ర సంఘం అధ్యక్షులు శ్రీ మారం జగదీశ్వర్ గారు సానుకూలంగా స్పందిస్తూ.. ఈ సమస్యలను వెంటనే సదరు శాఖల ప్రిన్సిపల్ సెక్రటరీలు మరియు డైరెక్టర్ల దృష్టికి తీసుకెళ్లి, ఉద్యోగులందరికీ త్వరలోనే న్యాయం జరిగేలా చూస్తామని హామీ ఇచ్చారు.
514 Views -
-
-
