హైదరాబాద్ : తెలంగాణలో మావోయిస్టు కార్యకలాపాలకు గట్టి ఎదురుదెబ్బ తగిలింది. నిషేధిత సంస్థ CPI (మావోయిస్టు)కు చెందిన మొత్తం 42 మంది మావోయిస్టులు స్వచ్ఛందంగా పోలీసుల ముందు లొంగిపోయారు. ఈ పరిణామం రాష్ట్ర భద్రతా వ్యవస్థకు పెద్ద విజయంగా నిలిచింది.

లొంగిపోయిన వారిలో PLGA (పీపుల్స్ లిబరేషన్ గెరిల్లా ఆర్మీ)కి చెందిన కీలక కమాండర్ కూడా ఉండటం గమనార్హం. వీరి వద్ద నుండి తుపాకులు, బంగారం సహా పలు సామగ్రిని పోలీసులు స్వాధీనం చేసుకున్నారు.

ఈ సందర్భంగా తెలంగాణ డీజీపీ కీలక వ్యాఖ్యలు చేశారు. రాష్ట్రంలో మావోయిస్టుల సాయుధ శక్తి పూర్తిగా క్షీణించిందని, PLGA కార్యకలాపాలు దాదాపు నిలిచిపోయాయని స్పష్టం చేశారు. అలాగే తెలంగాణ స్టేట్ కమిటీ (TSC) కూడా ఇక ప్రభావం చూపలేని స్థితికి చేరిందని పేర్కొన్నారు.

ఇటీవలి కాలంలో భారీ స్థాయిలో మావోయిస్టులు లొంగిపోతుండటం గమనించదగ్గ విషయం. ప్రభుత్వం అమలు చేస్తున్న సరెండర్ మరియు పునరావాస విధానాల వల్లే ఈ మార్పు సాధ్యమైందని అధికారులు చెబుతున్నారు.

ఈ ఘటనతో తెలంగాణలో ఎక్స్‌ట్రీమిజం దాదాపు అంతిమ దశకు చేరుకుందని, మిగిలిన మావోయిస్టులు కూడా లొంగిపోవాలని పోలీసులు పిలుపునిస్తున్నారు.

#sidhumaroju

Alwal