మంచిర్యాల మున్సిపల్ కార్పొరేషన్ పరిధిలోని 31వ డివిజన్ శ్రీరాంపూర్ జిల్లా పరిషత్ ఉన్నత పాఠశాలలో తెలంగాణ రాష్ట్ర ప్రభుత్వం మరియు హరే కృష్ణ ఫౌండేషన్ ఆధ్వర్యంలో ప్రభుత్వ పాఠశాలల్లో చదువుతున్న విద్యార్థులకు అందిస్తున్న అల్పాహార పంపిణీ కార్యక్రమాన్ని మంచిర్యాల మున్సిపల్ కార్పొరేషన్ మేయర్  దర్ని మధుకర్  స్థానిక కార్పొరేటర్ తాళ్ళ సంపత్ రెడ్డి గారితో కలిసి ఈ రోజు ప్రారంభించారు,మంచిర్యాల గౌరవ శాసన సభ్యులు కొక్కిరాల ప్రేమ్ సాగర్ రావు ప్రత్యేక కృషి ఫలితంగా మంచిర్యాల నియోజకవర్గంలో తెలంగాణ రాష్ట్రంలోనే నాల్గవ సెంట్రలైజ్డ్ కిచెన్ ఏర్పాటు కావడం ఎంతో సంతోషకరమైన విషయమని ఈ సందర్భంగా మేయర్  దర్ని మధుకర్ పేర్కొన్నారు.ఈ సందర్భంగా మేయర్ మాట్లాడుతూ... ప్రభుత్వ పాఠశాలల్లో చదువుతున్న విద్యార్థులకు పౌష్టికాహారంతో కూడిన అల్పాహారం అందించడం ద్వారా వారి ఆరోగ్యం మెరుగుపడటంతో పాటు, విద్యాభ్యాసంపై కూడా సానుకూల ప్రభావం చూపుతుందని అన్నారు. విద్యార్థుల సంక్షేమం, విద్యాభివృద్ధికి తెలంగాణ రాష్ట్ర ప్రభుత్వం చేపడుతున్న కార్యక్రమాలు అభినందనీయమని తెలిపారు.విద్యార్థులకు నాణ్యమైన విద్యతో పాటు ఆరోగ్యకరమైన ఆహారం అందించడం ద్వారా వారి భవిష్యత్తుకు బలమైన పునాది ఏర్పడుతుందని మేయర్ గారు అన్నారు. ప్రభుత్వ పాఠశాలల్లో మౌలిక వసతుల కల్పన, విద్యార్థుల సంక్షేమం కోసం తన వంతు సహకారం అందిస్తానని తెలిపారు,విద్యార్థుల సంక్షేమాన్ని దృష్టిలో ఉంచుకొని ఇలాంటి మంచి కార్యక్రమాన్ని అమలు చేస్తున్న తెలంగాణ రాష్ట్ర ప్రభుత్వానికి, హరే కృష్ణ ఫౌండేషన్‌కు, అలాగే సెంట్రలైజ్డ్ కిచెన్ ఏర్పాటుకు కృషి చేసిన మంచిర్యాల ఎమ్మెల్యే కొక్కిరాల ప్రేమ్ సాగర్ రావుకి ఈ సందర్భంగా మేయర్ దర్ని మధుకర్ కృతజ్ఞతలు తెలిపారు.ఈ కార్యక్రమంలో పాఠశాల ప్రధానోపాధ్యాయులు, ఉపాధ్యాయులు, విద్యార్థులు, సంబంధిత అధికారులు, స్థానిక కాంగ్రెస్ నాయకులు తదితరులు పాల్గొన్నారు.