డిగ్రీ బీటెక్ స్టూడెంట్స్ కి మంచి సువర్ణావకాశం
డిగ్రీ, బీటెక్ విద్యార్థులకు ఉచిత సీఆర్‌టీ శిక్షణ:
అప్‌టెక్ సొల్యూషన్స్ డైరెక్టర్ ఈడే లక్ష్మీపతి
విజయవాడ
(గవర్నర్‌పేట)
డిగ్రీ, బీటెక్ పూర్తి చేసిన విద్యార్థులకు క్యాంపస్ సెలక్షన్స్ లో ఉద్యోగావకాశాలు మెరుగుపరిచేందుకు ఉచితంగా క్యాంపస్ రిక్రూట్‌మెంట్ ట్రైనింగ్ (సీఆర్‌టీ) తరగతులను నిర్వహిస్తున్నట్లు అప్‌టెక్ సొల్యూషన్స్ డైరెక్టర్ ఈడే లక్ష్మీపతి వెల్లడించారు.
విజయవాడ గవర్నర్‌పేట మహేశ్వరి ప్యాలెస్‌లోని అప్‌టెక్ సొల్యూషన్స్ కార్యాలయంలో ఏర్పాటు చేసిన విలేకరుల సమావేశంలో లక్ష్మీ పతి మాట్లాడారు.
గ్రామీణ ప్రాంతాల నుంచి వచ్చే విద్యార్థులు మంచి విద్యార్హతలు కలిగినప్పటికీ, ఇంటర్వ్యూలలో సరైన నైపుణ్యాలు ప్రదర్శించలేక ఇన్ఫోసిస్, విప్రో, మహీంద్రా వంటి ప్రముఖ బహుళజాతి సంస్థల్లో ఉద్యోగాలు సాధించలేకపోతున్నారని ఆవేదన వ్యక్తం చేశారు. అలాంటి విద్యార్థుల్లో ఆత్మవిశ్వాసం నింపి ఉద్యోగార్థులుగా తీర్చిదిద్దడమే లక్ష్యంగా ఈ ఉచిత శిక్షణకు శ్రీకారం చుట్టినట్లు తెలిపారు. ప్రతి ఆదివారం, ఇతర ప్రభుత్వ సెలవు రోజుల్లో ఈ తరగతులు అందుబాటులో ఉంటాయని స్పష్టం చేశారు.
హైదరాబాద్, పూణేలతో పాటు ప్రముఖ యూనివర్సిటీలకు చెందిన అనుభవజ్ఞులైన ప్రొఫెసర్లు, రంగానికి చెందిన నిపుణులతో ఈ కోర్సును ప్రత్యేకంగా రూపొందించినట్లు లక్ష్మీపతి వివరించారు. శిక్షణలో భాగంగా విద్యార్థులకు ఆప్టిట్యూడ్, రీజనింగ్, వెర్బల్ ఎబిలిటీ, గ్రూప్ డిస్కషన్ (జీడీ), ఇంటర్వ్యూ ప్రిపరేషన్, రెజ్యూమ్ బిల్డింగ్ అంశాలపై సమగ్రంగా అవగాహన కల్పిస్తామన్నారు. వీటితో పాటు నిరంతరం మాక్ టెస్టులు, నమూనా ఇంటర్వ్యూలు నిర్వహించి ఉద్యోగ నియామక ప్రక్రియకు సిద్ధం చేస్తామని పేర్కొన్నారు.
ఈ ఉచిత శిక్షణ అవకాశాన్ని బి టెక్, డిగ్రీ విద్యార్థులు సద్వినియోగం చేసుకుని తమ కెరీర్‌ను సులభంగా నిర్మించుకోవాలని కోరారు. ముందుగా పేర్లు నమోదు చేసుకున్న అభ్యర్థులకు బ్యాచ్‌ల ఆధారంగా శిక్షణా సమయాలను కేటాయిస్తామని తెలిపారు. ఆసక్తి ఉన్న విద్యార్థులు వెంటనే 9177866999 నంబరులో సంప్రదించి తమ వివరాలను నమోదు చేసుకోవాలని సూచించారు.
