హైదరాబాద్ : దేశవ్యాప్తంగా నేషనల్ హైవేలపై ప్రయాణించే వాహనదారులకు కీలక మార్పు రానుంది.

నేషనల్ హైవేస్ అథారిటీ ఆఫ్ఇండియా (NHAI) తాజా మార్గదర్శకాల ప్రకారం టోల్ ప్లాజాల వద్ద నగదు చెల్లింపులను దశలవారీగా నిలిపివేస్తూ, పూర్తిగా డిజిటల్ విధానానికి మార్పు చేయనుంది.

ఏప్రిల్ 1 నుంచి అమలులోకి రానున్న ఈ నిబంధనల ప్రకారం టోల్ ఫీజును ఇకపై నగదుగా చెల్లించే అవకాశాలు తగ్గనున్నాయి. వాహనదారులు తప్పనిసరిగా FASTag లేదా UPI వంటి డిజిటల్ పేమెంట్ విధానాలను వినియోగించాల్సి ఉంటుంది. ఇప్పటికే కొన్ని ఎక్స్‌ప్రెస్‌వేలు మరియు ప్రధాన మార్గాల్లో ఈ విధానం అమలులో ఉండగా, ఇప్పుడు దేశవ్యాప్తంగా విస్తరించేందుకు అధికారులు చర్యలు చేపట్టారు.

కొత్త నిబంధనల ప్రకారం FASTag లేకుండా టోల్ ప్లాజాకు చేరుకుంటే డబుల్ టోల్ ఛార్జ్ వసూలు చేసే అవకాశం ఉంది. దీంతో వాహనదారులు ముందుగానే FASTag సదుపాయం కలిగి ఉండటం, బ్యాలెన్స్‌ను సమయానికి రీచార్జ్ చేసుకోవడం అవసరమని అధికారులు సూచిస్తున్నారు.

టోల్ ప్లాజాల వద్ద ట్రాఫిక్ రద్దీ తగ్గించడం, ప్రయాణాన్ని వేగవంతం చేయడం, డిజిటల్ లావాదేవీలను ప్రోత్సహించడం లక్ష్యంగా ఈ నిర్ణయం తీసుకున్నట్లు NHAI వెల్లడించింది.

మొత్తానికి, టోల్ చెల్లింపుల్లో నగదు వ్యవస్థకు ముగింపు పలుకుతూ డిజిటల్ పద్ధతుల వైపు దేశం మరో అడుగు ముందుకు వేస్తోంది.

ఈ నిర్ణయం పట్ల వాహనదారుల్లో  మిశ్రమ స్పందన లభిస్తోంది.

#sidhumaroju 

Alwal