రాజన్న సిరిసిల్ల జిల్లా, చందుర్తి మండలం లింగంపేటలో ఘనంగా సద్దుల బతుకమ్మ సంబరాలు యువతుల కోలాటాలు, ఆటపాటలతో ఆకట్టుకున్న వేడుకలు

లింగంపేట గ్రామంలో సద్దుల బతుకమ్మ సంబరాలు అంగరంగ వైభవంగా నిర్వహించారు. తెలంగాణ సంస్కృతి, సంప్రదాయాలకు అద్దం పట్టేలా గ్రామ ప్రజలు పండుగను ఉత్సాహంగా జరుపుకున్నారు. ఈ వేడుకల కోసం గ్రామ ప్రజలు అన్ని ఏర్పాట్లు చేసి పండుగను విజయవంతం చేశారు.

రంగురంగుల పూలతో అందంగా పేర్చిన బతుకమ్మల చుట్టూ మహిళలు, యువతులు చేరి సంప్రదాయ పాటలు పాడుతూ సందడి చేశారు. ముఖ్యంగా యువతులు ఉత్సాహంగా పాల్గొని ఆడిన ఆటపాటలు వేడుకలకు ప్రత్యేక ఆకర్షణగా నిలిచాయి. వారి సందడి, ఆనందోత్సాహాలతో గ్రామంలో పండుగ వాతావరణం నెలకొంది.

బతుకమ్మ పండుగ తెలంగాణ ఆడబిడ్డల ఆత్మీయతకు, ఐకమత్యానికి, ప్రకృతిపై ప్రేమకు ప్రతీకగా నిలుస్తుంది. ఇటువంటి పండుగల ద్వారా మన సంస్కృతి, సంప్రదాయాలు భావితరాలకు చేరుతాయని గ్రామ ప్రజలు ఆనందం వ్యక్తం చేశారు.

లింగంపేటలో నిర్వహించిన సద్దుల బతుకమ్మ సంబరాలు గ్రామ ప్రజల ఐకమత్యాన్ని, తెలంగాణ సంస్కృతిపై వారికున్న అభిమానాన్ని చాటిచెప్పాయి.

శ్రీను రావు పొన్నాల

భారత్ ఆవాజ్ 

ల