తెలంగాణలో త్వరలో స్థానిక సంస్థల ఎన్నికలు | Bharat Aawaz | BMA |...

తెలంగాణలో త్వరలో స్థానిక సంస్థల ఎన్నికలు

Blogs Telangana

Posted 2025-06-21 12:35:49

1K

*_తెలంగాణలో స్థానిక సంస్థల ఎన్నికల నగారా.. వచ్చే వారం షెడ్యూల్ ప్రకటన..!!_* తెలంగాణలో స్థానిక సంస్థల ఎన్నికలకు సమయం ఆసన్నమైంది. వచ్చే వారంలో ఎన్నికల షెడ్యూల్ ప్రకటన వెలువడనుందని విశ్వసనీయ వర్గాల సమాచారం. ముఖ్యమంత్రి రేవంత్ రెడ్డి ఇప్పటికే మంత్రులతో సమావేశమై, ఎన్నికల సన్నాహాలపై స్పష్టమైన ఆదేశాలు జారీ చేశారు. అనవసర ప్రకటనలు లేకుండా, పూర్తి స్థాయిలో సిద్ధమవ్వాలని సూచించినట్లు తెలుస్తోంది. ఈ ఎన్నికలు గ్రామ పంచాయతీలు, మండల పరిషత్‌లు, జిల్లా పరిషత్‌లతో పాటు మున్సిపాలిటీలు, కార్పొరేషన్‌లకు కూడా జరగనున్నాయి. రైతు భరోసా పథకం కింద నిధుల జమ చేసే ప్రక్రియ పూర్తయిన వెంటనే అధికారిక నోటిఫికేషన్ విడుదల కానుందని సమాచారం. ఈ పథకం ద్వారా రైతులకు ఆర్థిక సహాయం అందించడం ద్వారా కాంగ్రెస్ ప్రభుత్వం గ్రామీణ ఓటర్ల మద్దతు సంపాదించాలని లక్ష్యంగా పెట్టుకుంది. అంతేకాక, బీసీ రిజర్వేషన్ల విషయంలో సుప్రీంకోర్టు మార్గదర్శకాలను పాటిస్తూ, ఎన్నికలకు ముందు రిజర్వేషన్ ప్రక్రియను పూర్తి చేసేందుకు ప్రభుత్వం కసరత్తు చేస్తోంది. ఈ ఎన్నికలు కాంగ్రెస్ ప్రభుత్వ పనితీరుపై గ్రామీణ, పట్టణ ప్రాంతాల్లో ఓటర్ల మనోగతాన్ని ప్రతిబింబించే అవకాశం ఉంది. తెలంగాణ రాష్ట్ర ఎన్నికల సంఘం (టీఎస్‌ఈసీ) ఇప్పటికే ఎన్నికల సన్నాహాలను దాదాపు పూర్తి చేసింది. 70,000 బ్యాలెట్ బాక్స్‌లను సిద్ధం చేయడంతో పాటు, ఓటరు జాబితాలు, పోలింగ్ స్టేషన్‌ల వివరాలను ఖరారు చేసింది. రాష్ట్రంలో 12,815 గ్రామ పంచాయతీలు, 1.14 లక్షల వార్డులతో పాటు 538 జడ్పీటీసీ, 5,817 ఎంపీటీసీ స్థానాలకు ఎన్నికలు జరగనున్నాయి. ఈ ఎన్నికలు రాష్ట్ర రాజకీయాల్లో కీలక మలుపుగా మారనున్నాయని, కాంగ్రెస్, బీఆర్‌ఎస్, బీజేపీల మధ్య తీవ్ర పోటీ నెలకొనే అవకాశం ఉందని రాజకీయ విశ్లేషకులు అంచనా వేస్తున్నారు.

Please log in to like, share and comment!

Schools Reopen in Rajasthan’s Border Districts as Calm Returns

Schools Reopen in Rajasthan’s Border Districts as Calm Returns Jaipur / Sri Ganganagar...

By 2025-05-20 07:06:22 0 2K

కలెక్టరేట్ లో గణతంత్ర దినోత్సవము

విశాఖ పట్నం కలెక్టర్ కార్యా లయం లో ఈరోజు ఉదయం 8 గంటలకు గణ తంత్ర దినోత్సవం లో భాగంగా జిల్లా...

By 2026-01-26 13:57:37 0 458

పుంగనూరు టీచర్‌కు నోటీసులు జారీ

పుంగనూరు మండలం బండ్లపల్లె టీచర్ జ్యోతిలక్ష్మి, ఎలాంటి అనుమతులు లేకుండా డిసెంబర్ 3, 2024 నుంచి...

By 2026-02-13 06:18:07 0 88

మదనపల్లెలో ఏసీబీ దాడులు – రికార్డుల పరిశీలన.

మదనపల్లెలో బుధవారం అర్ధరాత్రి నుంచి గురువారం ఉదయం వరకు ఏసీబీ అధికారులు దాడులు నిర్వహించారు. కడప...

By 2026-02-06 04:18:36 0 129

భక్తి తరంగంలో ఆల్వాల్… ఘనంగా ఆంజనేయ స్వామి జయంతి.|

మేడ్చల్ మల్కాజ్గిరి జిల్లా : ఆల్వాల్‌ లోని ప్రసన్న ఆంజనేయ స్వామి దేవాలయంలో హనుమాన్...

By 2026-04-02 10:56:57 0 100

Bharat Aawaz | BMA | IINNSIDE https://ba.bharataawaz.com