కుత్బుల్లాపూర్ నియోజకవర్గం పరిధిలోని మల్లంపేట్‌లో భవన నిర్మాణాలపై పలు అనుమానాలు వ్యక్తమవుతున్నాయి. 150 చదరపు గజాల స్థలాల్లో ఎలాంటి సెట్‌బ్యాక్‌లు పాటించకుండా G+3 భవనాల నిర్మాణాలు జరుగుతున్నప్పటికీ అధికారులు పట్టించుకోవడం లేదనే ఆరోపణలు వినిపిస్తున్నాయి.

కొన్ని నిర్మాణాలకు సంబంధించి పర్మిషన్ పేపర్లపై అనుమతులు ఉన్నట్లు కనిపిస్తున్నప్పటికీ, వాస్తవంగా జరుగుతున్న నిర్మాణాలకు ఆ అనుమతులకు ఎంతవరకు సంబంధం ఉందనే ప్రశ్నలు తలెత్తుతున్నాయి

.ఇక భవన నిర్మాణాలకు సంబంధించిన అనుమతుల గురించి అడిగితే, “GHMC పర్మిషన్ ఉంది” అంటూ కొంతమంది బిల్డర్లు సమాధానం చెబుతున్నట్లు స్థానికులు పేర్కొంటున్నారు.

పర్మిషన్ ఒకలా.. నిర్మాణం మరోలా?

అనుమతుల్లో పేర్కొన్న నిబంధనలకు అనుగుణంగానే నిర్మాణాలు జరుగుతున్నాయా? సెట్‌బ్యాక్ నిబంధనలు పాటిస్తున్నారా? G+3 నిర్మాణాలకు సంబంధించి అవసరమైన అనుమతులు నిజంగానే ఉన్నాయా? అనే అంశాలపై అధికారులు స్పష్టత ఇవ్వాల్సిన అవసరం ఉందని స్థానికులు కోరుతున్నారు