ఆసిఫాబాద్ మండలం బాబాపూర్ గ్రామంలో ప్రత్యేక ఓటరు జాబితా సవరణ (SIR) కార్యక్రమం అత్యంత ప్రతిష్టాత్మకంగా ప్రారంభమైంది. గ్రామంలోని పోలింగ్ కేంద్రం నంబర్ 240లో బూత్ స్థాయి అధికారుల ఆధ్వర్యంలో ఈ సవరణ ప్రక్రియ ముమ్మరంగా కొనసాగుతోంది. ప్రజాస్వామ్యంలో అత్యంత కీలకమైన ఓటు హక్కును అర్హులైన ప్రతి ఒక్కరికీ కల్పించడమే ధ్యేయంగా ఈ ప్రత్యేక కార్యక్రమాన్ని నిర్వహిస్తున్నారు. ఇందులో భాగంగా కొత్త ఓటరు నమోదు, జాబితాలో ఉన్న తప్పుల సవరణ మరియు చేర్పుల ప్రక్రియను పారదర్శకంగా చేపట్టారు.ఈ సందర్భంగా బూత్ స్థాయి అధికారి (BLO) వనిత గారు మాట్లాడుతూ, ఎన్నికల ప్రధాన అధికారి ఆదేశాల ప్రకారం జూన్ 25 నుండి జూలై 24 వరకు నెల రోజుల పాటు ఈ ఇంటింటి సర్వే నిరంతరాయంగా జరుగుతుందని స్పష్టం చేశారు. ప్రతి ఇంటికి బీఎల్ఓ స్వయంగా వచ్చి వివరాలు సేకరిస్తారని, అనంతరం అక్టోబర్ 1న తుది ఓటరు జాబితాను ప్రకటిస్తారని పేర్కొన్నారు. 18 ఏళ్లు నిండిన ప్రతి ఒక్క యువతీ యువకుడు మరియు అర్హులైన గ్రామస్తులు బాధ్యతగా ఈ అవకాశాన్ని సద్వినియోగం చేసుకొని ఓటరు జాబితాలో తమ పేరును నమోదు చేసుకోవాలని గ్రామస్తులకు ఆమె తెలిపారు.