జూబ్లీహిల్స్ పార్క్ పనులపై సీఎం ఆకస్మిక పరిశీలన |

Posted 2025-10-24 11:30:02

హైదరాబాద్ జూబ్లీహిల్స్ రోడ్ నెం. 45లో నిర్మాణంలో ఉన్న జీహెచ్ఎంసీ ‘పెట్ అండ్ ప్లే పార్క్’ పనులను ముఖ్యమంత్రి శ్రీ ఎ. రేవంత్ రెడ్డి గారు అక్టోబర్ 24న ఆకస్మికంగా పరిశీలించారు. వివాహ శుభకార్యాల నుంచి తిరిగి వస్తున్న సందర్భంలో పార్క్ వద్ద ఆగి, నిర్మాణ పనులను సమీక్షించారు.

గతంలో చెత్తతో నిండిన ఆ స్థలాన్ని కబ్జాకు గురికాకుండా పార్క్‌గా అభివృద్ధి చేయాలని సీఎం ఆదేశించిన నేపథ్యంలో, పనులు తుది దశకు చేరుకోవడంతో ఆయన పరిశీలన చేశారు.

కూలీలతో ఆప్యాయంగా మాట్లాడి, వారి సమస్యలను అడిగి తెలుసుకున్నారు. పనుల నాణ్యత, వేగం, పార్క్ వినియోగదారుల అవసరాలపై పలు సూచనలు చేశారు.