నేటి నుంచి 40 రోజుల వైసీపీ ప్రజా పోరాటం | | Bharat Aawaz

నేటి నుంచి 40 రోజుల వైసీపీ ప్రజా పోరాటం |

Posted 2025-10-10 05:52:46

ఆంధ్రప్రదేశ్‌లో వైఎస్సార్ కాంగ్రెస్ పార్టీ నేటి నుంచి 40 రోజుల ప్రజా ఉద్యమాన్ని ప్రారంభించింది. నవంబర్ 22 వరకు కొనసాగనున్న ఈ రచ్చబండ కార్యక్రమం ద్వారా ప్రజా సమస్యలను వెలికి తీసేందుకు పార్టీ సిద్ధమైంది.

ఈ నెల 28న నియోజకవర్గాల్లో, నవంబర్ 12న జిల్లా కేంద్రాల్లో భారీ ర్యాలీలు నిర్వహించనున్నారు. ప్రభుత్వ వైఫల్యాలను ప్రజల్లోకి బలంగా తీసుకెళ్లడం, మెడికల్ కళాశాలల ప్రైవేటీకరణ, ఆరోగ్యశ్రీ సేవల లోపాలు వంటి అంశాలపై ప్రజల మద్దతు పొందేందుకు కోటి సంతకాలు సేకరించాలని పార్టీ నిర్ణయించింది.

2024 ఎన్నికల తర్వాత ప్రతిపక్ష హోదా కోల్పోయిన వైసీపీ, ప్రజల్లో మళ్లీ పునాదులు బలపరిచేందుకు ఈ ఉద్యమాన్ని కీలకంగా భావిస్తోంది.