అడుగడుగునా గుంతలు, విరిగిన అంచులు: ప్యాచ్ వర్క్ కూడా దిక్కులేదా?.. కాలనీవాసుల ఆవేదన!

చింతలాదేవి:

గ్రామ పరిధిలోని ఎస్టీ కాలనీలో సిమెంట్ రహదారులు తీవ్రంగా దెబ్బతిని బీటలు వారుతున్నాయి. రోడ్ల పక్క అంచులు విరిగిపోయి, గుంతలమయంగా మారడంతో ప్రయాణం ప్రమాదకరంగా మారింది.

రాత్రి వేళల్లో సరైన వెలుతురు లేక ద్విచక్ర వాహనదారులు, కాలినడకన వెళ్లే వృద్ధులు, పిల్లలు కిందపడి గాయాలపాలవుతున్నారు. రహదారి పక్కన ప్యాచ్ వర్క్ పనులు చేపట్టి, గుంతలను పూడ్చాల్సిన బాధ్యత ఉన్నా సంబంధిత అధికారులు పట్టించుకోవడం లేదని స్థానికులు వాపోతున్నారు.

పెద్ద ప్రమాదాలు జరగకముందే అధికారులు వెంటనే స్పందించి, ఎస్టీ కాలనీ రహదారులకు తక్షణమే ప్యాచ్ వర్క్ మరమ్మతులు చేయించాలని స్థానికులు డిమాండ్ చేస్తున్నారు.