🎤ఆసిఫాబాద్ (భారత్ ఆవాజ్ న్యూస్ ప్రతినిధి జగదీష్) దేశవ్యాప్త రైతు, కార్మిక సంఘాల పిలుపులో భాగంగా కొమురం భీం జిల్లా కేంద్రంలో "జైల్ భరో" మరియు రాస్తారోకో కార్యక్రమాలు ఉధృతంగా నిర్వహించారు. చారిత్రాత్మక 84వ క్విట్ ఇండియా ఉద్యమ స్ఫూర్తితో ప్రభుత్వ ప్రజా వ్యతిరేక విధానాలపై నిరసిస్తూ కార్మిక లోకం పోరాట గర్జన మోగించింది.కలెక్టరేట్ నుండి అంబేద్కర్ చౌరస్తా వరకు హోరెత్తిన వీధులు జిల్లా కేంద్రంలోని కలెక్టర్ కార్యాలయం ప్రాంగణం నుండి ఈ భారీ నిరసన ర్యాలీ ప్రారంభమైంది. అమరవీరుడు కొమురం భీం చౌరస్తా మీదుగా అంబేద్కర్ చౌరస్తా వరకు కార్మికులు, రైతులు హక్కుల సాధనకై నినదిస్తూ కదం తొక్కారు. అనంతరం ప్రధాన కూడలి అయిన అంబేద్కర్ చౌరస్తా వద్ద గంటల తరబడి రాస్తారోకో నిర్వహించడంతో వాహనాల రాకపోకలు పూర్తిగా నిలిచిపోయి తీవ్ర ట్రాఫిక్ జామ్ ఏర్పడింది.ప్రభుత్వ విధానాలపై గర్జన  ముఖ్య డిమాండ్లు ఈ సందర్భంగా కార్మిక సంఘాల అగ్రనాయకులు ప్రజా గొంతుకనై మాట్లాడుతూ కేంద్ర, రాష్ట్ర ప్రభుత్వాల కార్మిక, రైతు వ్యతిరేక విధానాలపై తీవ్రస్థాయిలో మండిపడ్డారు. కార్మికులకు నష్టం చేకూర్చే నాలుగు లేబర్ కోడ్‌లను తక్షణమే రద్దు చేయాలని డిమాండ్ చేశారు. లాభాల్లో ఉన్న ప్రభుత్వ రంగ సంస్థలను ప్రైవేటీకరించడం ఆపాలని, రైతు పండించిన పంటలకు కనీస మద్దతు ధరకు చట్టబద్ధమైన గ్యారెంటీ కల్పించాలని స్పష్టం చేశారు. పెరుగుతున్న ధరలకు అనుగుణంగా కార్మికులకు కనీస వేతనాలు పెంచాలని, అసంఘటిత రంగ కార్మికులకు సామాజిక భద్రత కల్పించాలని పట్టుబట్టారు.కలిసికట్టుగా కదంతొక్కిన ప్రజా సంఘాల నేతలు ఈ సుదీర్ఘ రాస్తారోకో పోరాటంలో IFTU రాష్ట్ర నాయకులు ఎండి చాంద్ పాషా, AIKMS జిల్లా నేత లచ్చన్న, PDSU జిల్లా ప్రధాన కార్యదర్శి జగజంపుల తిరుపతి, మరియు జిల్లా ఉపాధ్యక్షులు షేక్ అయూబ్ ఖాన్ నేతృత్వం వహించి ప్రసంగించారు. వీరితో పాటు ఆసిఫాబాద్ మండల అధ్యక్షుడు సమీర్, జిల్లా నాయకుడు భోరే వసంత్, మండల ప్రతినిధులు శివశంకర్, సమీర్, సిరాజ్ పాల్గొన్నారు. ఈ మహా ధర్నాకు CITU అనుబంధ సంఘాలు, KVPS, DYFI, TUCI సంస్థల నాయకులు, కార్మికులు భారీ సంఖ్యలో తరలివచ్చి శ్రామిక శక్తుల ఐక్యతను చాటారు.