తెలుగు మాటక రంగ పితామహుడు బళ్లారి రాఘవ పోలీస్ శాఖ ఘన నివాళి

అన్నమయ్య జిల్లా - మదనపల్లె

తేదీ:02.08.2026

తెలుగు నాటక రంగ పితామహుడు బళ్లారి రాఘవకు పోలీసు శాఖ ఘన నివాళి..

సమాజ మార్పు కోసం కళను ఆయుధంగా మలసిన మహానుభావుడు..

 *- అదనపు ఎస్పీ శ్రీ యం. వెంకటాద్రి గారు..*

మదనపల్లె, ఆగస్టు 2: తెలుగు నాటక రంగ పితామహుడు శ్రీ బళ్ళారి రాఘవ జయంతిని పురస్కరించుకుని అన్నమయ్య జిల్లా పోలీసు ప్రధాన కార్యాలయంలో ఆదివారం ఆయనకు ఘనంగా నివాళులర్పించారు. జిల్లా ఎస్పీ శ్రీ ధీరజ్ కునుబిల్లి ఆదేశాల మేరకు నిర్వహించిన ఈ కార్యక్రమంలో అదనపు ఎస్పీ (పరిపాలన) శ్రీ ఎం.వెంకటాద్రి పాల్గొని రాఘవ చిత్రపటానికి పూలమాలలు వేసి అంజలి ఘటించారు. అనంతరం ఆయన మాట్లాడుతూ.. బళ్ళారి రాఘవ కేవలం కళాకారుడే కాకుండా తన కళ ద్వారా సమాజంలోని దురాచారాలను ప్రశ్నించిన గొప్ప సంస్కర్త అని, ప్రజల్లో నైతిక విలువలు పెంపొందించిన ఆయన జీవితం నేటి యువతకు ఆదర్శప్రాయమని కొనియాడారు. బాధ్యతాయుత పౌరులుగా కర్తవ్యాన్ని నిర్వర్తిస్తూ సమాజానికి మేలు చేయడమే ఆయనకు మనం అర్పించే నిజమైన నివాళి అని పిలుపునిచ్చారు. ఈ కార్యక్రమంలో ఆర్‌ఐ (అడ్మిన్) యు.రంగనాథ్ బాబు, ఆర్‌ఎస్‌ఐలు శ్రీనివాస్, రవి, చంద్రశేఖర్ తదితర పోలీసు సిబ్బంది పాల్గొన్నారు.