మంచిర్యాల జులై 29 : నగరంలో కురుస్తున్న భారీ వర్షాల నేపథ్యంలో మంచిర్యాల మున్సిపల్ కార్పొరేషన్ మేయర్ దర్ని మధుకర్ నగరంలోని ఉప్పొంగుతున్న నాళాలు, లోతట్టు ప్రాంతాలు, నీటి ప్రవాహం అధికంగా ఉన్న ప్రాంతాలను క్షేత్రస్థాయిలో పరిశీలించారు.

ఈ సందర్భంగా 39 వ డివిజన్ బృందావన్ కాలనీ ప్లే ఓవర్ ప్రక్కన వర్షపు నీటి ప్రవాహానికి ఎలాంటి ఆటంకం కలగకుండా నాళాల్లో పేరుకుపోయిన చెత్తాచెదారాన్ని,అడ్డుగా ఉన్న పైపులను JCB సాయంతో దగ్గరుండి తొలగించి వెంటనే నీటి ప్రవాహం పునరుద్ధరించే చర్యలు తీసుకున్నారు. అధిక వర్షపాత దృశ్య అధికారులు,సిబ్బంది 24 గంటలు అందుబాటులో ఉండేలా సంబంధిత అధికారులకు, మున్సిపల్ సిబ్బందికి ఆదేశాలు జారీ చేశారు,నీరు నిల్వ ఉండే ప్రాంతాల్లో ప్రత్యేక చర్యలు చేపట్టి ప్రజలకు ఇబ్బందులు తలెత్తకుండా నిరంతర పర్యవేక్షణ కొనసాగించాలని సూచించారు.