గోదావరి నదిలో అసలు నీటి ప్రవాహమే లేదంటూ ముఖ్యమంత్రి రేవంత్ రెడ్డి చెప్తున్న మాటలకు, క్షేత్రస్థాయిలో కనిపిస్తున్న వాస్తవాలకు అస్సలు పొంతన కుదరడం లేదు. రేవంత్ రెడ్డి గారూ.. మీ వాదనలో నిజాయితీ ఉంటే ఈ కింది ప్రశ్నలకు సమాధానం ఎక్కడ?

‎1. రేవంత్ రెడ్డి వాదన వర్సెస్ పోలవరం వాస్తవం “గోదావరి ఎండిపోయింది, నదిలో నీటి ప్రవాహాలు లేవు, అందుకే రైతులకు నీళ్లు ఇవ్వలేకపోతున్నాం" అని తెలంగాణ ప్రభుత్వం కథలు చెప్తోంది. కానీ, అదే గోదావరి నదిపై దిగువన ఉన్న ఆంధ్రప్రదేశ్‌లోని పోలవరం ప్రాజెక్టు స్పిల్ ఛానల్ కింద వేసిన తాత్కాలిక మట్టి రోడ్డు ఉధృతమైన నీటి ప్రవాహానికి కొట్టుకుపోయింది. ఎగువన నీళ్లే లేనప్పుడు, దిగువన పోలవరం దగ్గర అంతటి భారీ ప్రవాహం ఎక్కడి నుంచి వచ్చింది? రోడ్లను ముంచెత్తేలా వరద ఎక్కడి నుంచి దూసుకొచ్చింది?

‎

‎2. చేతకానితనానికి ప్రకృతిని సాకుగా చూపుతున్నారా?

‎ కృత్రిమ అభావం: కాలేశ్వరం ప్రాజెక్టును నడపడం చేతకాక, మేడిగడ్డ దగ్గర మోటార్లు పెట్టి నీటిని పంపింగ్ చేయడం ఇష్టం లేక.. నదిలోనే నీళ్లు లేవనే అబద్ధాన్ని ప్రభుత్వం ప్రచారం చేస్తోందా? అనే అనుమానాలు బలపడుతున్నాయి.

‎

‎ నీరు వృథాగా సముద్రంలోకి: ఎగువ నుంచి వస్తున్న వరద నీటిని తెలంగాణ ప్రాజెక్టుల ద్వారా సద్వినియోగం చేసుకోకుండా, గేట్లు ఎత్తేసి దిగువకు వదిలేస్తున్నారు. ఆ నీరే పోలవరానికి చేరుతోంది. కానీ ఇక్కడ మాత్రం "రైతులకు ఇవ్వడానికి నీళ్లు లేవు" అని చేతులెత్తేస్తున్నారు.

‎3. రైతుల పొట్ట కొట్టడమే లక్ష్యమా?

‎అసెంబ్లీలో సగం రిపోర్టులు చదివి, సగం దాచిపెట్టి కాలేశ్వరంపై రాజకీయం చేయడానికే రేవంత్ రెడ్డి ప్రాధాన్యత ఇస్తున్నారు తప్ప, పారుతున్న గోదావరి జలాలను రైతు పొలాలకు మళ్లించాలనే ఆలోచన చేయడం లేదు. తుమ్మిడిహట్టి కడతామని నాడు ప్రగల్భాలు పలికి, నేడు మహారాష్ట్ర సీఎంపై నెపం నెట్టేస్తూ కాలయాపన చేస్తున్నారు.

‎కంటిముందు గోదావరి ఉరకలేస్తూ ప్రవహిస్తుంటే, పోలవరం దగ్గర నిర్మాణాలు కొట్టుకుపోతుంటే.. తెలంగాణలో మాత్రం నీళ్లు లేవని చెప్పడం పచ్చి అబద్ధం కాదా? బీఆర్ఎస్ విసిరిన సవాళ్లకు సమాధానం చెప్పలేక, క్షేత్రస్థాయి వాస్తవాల ముందు దొరికిపోయిన రేవంత్ రెడ్డి ప్రభుత్వం.. ఇకనైనా అబద్ధాలు ఆపి రైతాంగాన్ని ఆదుకోవడానికి నీటిని విడుదల చేయాలి.