మేడ్చల్ మల్కాజ్గిరి జిల్లా : మల్కాజిగిరి ట్రాఫిక్ జోన్-1 పరిధిలో రాంగ్ సైడ్ డ్రైవింగ్, ప్రమాదకరమైన డ్రైవింగ్ మరియు అనధికార సైరన్ల వినియోగాన్ని అరికట్టడానికి పోలీసులు ఈరోజు ప్రత్యేక తనిఖీలు చేపట్టారు. 

ఈ తనిఖీల్లో భాగంగా మొత్తం 1786 రాంగ్ సైడ్ కేసులు, 4 అనధికార సైరన్ వినియోగం కేసులు నమోదు చేసి, వాహనదారులకు రూ. 22,01,800 జరిమానా విధించారు.

ముఖ్యంగా ప్రధాన కూడళ్లు మరియు ప్రమాదకర ప్రాంతాల్లో నిబంధనలు ఉల్లంఘించే వారిపై కఠిన చర్యలు తీసుకున్నారు. అనధికారికంగా సైరన్లు వాడుతూ పదేపదే నిబంధనలు ఉల్లంఘించే వారిపై చట్టపరమైన చర్యలు తీసుకుంటామని పోలీసులు హెచ్చరించారు.

ఈ సందర్భంగా మల్కాజిగిరి ట్రాఫిక్ డిసిపి-1, కె. రాహుల్ రెడ్డి, ఐపిఎస్ మాట్లాడుతూ.. వాహనదారులు రోడ్డు భద్రతా నియమాలను ఖచ్చితంగా పాటించాలని, రాంగ్ సైడ్ డ్రైవింగ్ వల్ల ప్రాణాంతక ప్రమాదాలు జరిగే అవకాశం ఉందని ఆందోళన వ్యక్తం చేశారు. సైరన్ల దుర్వినియోగాన్ని ఏమాత్రం సహించబోమని, రోడ్లపై క్రమశిక్షణ కోసం ఇలాంటి తనిఖీలు నిరంతరం కొనసాగుతాయని ఆయన స్పష్టం చేశారు.

#Sidhumaroju

Alwal