హైదరాబాద్ : గ్రేటర్ హైదరాబాద్ మున్సిపల్ కార్పొరేషన్ (GHMC) నుంచి విభజించబడిన మూడు మున్సిపల్ కార్పొరేషన్లు ఏప్రిల్ 1 నుంచి పూర్తిస్థాయి స్వతంత్ర సంస్థలుగా పనిచేయనున్నాయి.

ఇప్పటివరకు పరిపాలనా పరంగా వేర్వేరు యూనిట్లుగా ఉన్నప్పటికీ, ఆర్థిక వ్యవహారాలు మాత్రం GHMC ఆధ్వర్యంలో కొనసాగుతున్నాయి.

ప్రస్తుతం CMC, MMC వంటి కార్పొరేషన్ల ఉద్యోగుల జీతాలు సహా అన్ని ఆర్థిక బాధ్యతలను GHMC నిర్వహిస్తోంది. అయితే ఈ విధానం ఈ నెలాఖరుతో ముగియనుంది. ఇకపై ప్రతి కార్పొరేషన్ తమ స్వంత ఆర్థిక వ్యవస్థను స్వయంగా నిర్వహించుకోనుంది.

అధికారుల సమాచారం ప్రకారం, రెవెన్యూ మరియు ఫైనాన్స్ విభాగాల విభజన దాదాపు పూర్తయింది. ఈ క్రమంలో ప్రాపర్టీ ట్యాక్స్, ట్రేడ్ లైసెన్స్ ఫీజులు, బిల్డింగ్ అనుమతుల ఛార్జీలు వంటి ప్రధాన ఆదాయ వనరులు మార్చి 31 అర్ధరాత్రి నుంచి ఆయా కార్పొరేషన్ల ఖాతాల్లోకే నేరుగా జమ అవుతాయి.

ఈ నిర్ణయం ద్వారా ప్రతి కార్పొరేషన్ స్వయం పాలనను బలోపేతం చేసుకోవడంతో పాటు, స్థానిక అభివృద్ధి పనులు వేగవంతం అవుతాయని అధికారులు భావిస్తున్నారు.

#sidhumaroju

Alwal