ABOUT Bharat Aawaz | BMA
Bharat Aawaz
సామర్లకోటలో ఎస్ఐ మౌనిక, ఎంపీడీవోకు సన్మానం
సామర్లకోటలో ఎస్ఐ మౌనిక మరియు ఎంపీడీవో హిమామహేశ్వరి సేవలను అభినందిస్తూ ఘనంగా సన్మానించారు. రాజ్యసభ ఎంపీ సానా సతీశ్ బాబు కార్యాలయ ఇన్ఛార్జ్ మేక లక్ష్మణమూర్తి ఆధ్వర్యంలో ఈ కార్యక్రమం నిర్వహించారు.
ఎంపీ సానా సతీశ్ బాబు ఆదేశాల మేరకు సోమవారం అచ్చంపేట కార్యాలయంలో జరిగిన కార్యక్రమంలో అధికారులను పూలమాలలు వేసి శాలువాలతో సత్కరించారు. ప్రజా సేవలో వారు చూపుతున్న అంకితభావం ఇతరులకు స్ఫూర్తిగా నిలుస్తుందని నాయకులు పేర్కొన్నారు.
ఈ సందర్భంగా నేతలు మాట్లాడుతూ ప్రజలకు సేవ చేయడంలో అధికారులు బాధ్యతగా వ్యవహరిస్తున్నారని కొనియాడారు. వారి సేవలు సమాజానికి ఎంతో ఉపయోగపడుతున్నాయని అభినందించారు.
ఈ కార్యక్రమంలో అరికడ శ్రీనివాసరావు, రామానాయుడు, ఆనంద్, దుర్గాప్రసాద్, బాబి సతీశ్ తదితరులు పాల్గొన్నారు.
