టీడీపీ ఎమ్మెల్యే బాలకృష్ణ చేసిన వ్యాఖ్యలపై వైఎస్ జగన్ |

Posted 2025-10-23 09:34:17

ఆంధ్రప్రదేశ్ అసెంబ్లీలో టీడీపీ ఎమ్మెల్యే బాలకృష్ణ చేసిన వ్యాఖ్యలపై వైఎస్ జగన్ ఘాటుగా స్పందించారు. “బాలకృష్ణ తాగి వచ్చి అసెంబ్లీలో మాట్లాడారు. తాగిన వ్యక్తిని సభలోకి ఎలా అనుమతించారు?” అంటూ జగన్ ప్రశ్నించారు.

ఆయన మాట్లాడిన మాటలు అసెంబ్లీ గౌరవాన్ని తగ్గించేలా ఉన్నాయని విమర్శించారు. బాలకృష్ణ మానసిక స్థితి ఏమిటో ప్రజలకు అర్థమవుతోందని జగన్ వ్యాఖ్యానించారు.

ఈ వ్యాఖ్యలు రాజకీయ వర్గాల్లో తీవ్ర చర్చకు దారితీశాయి. బాలకృష్ణ గతంలో జగన్‌ను “సైకో” అని అభివర్ణించిన నేపథ్యంలో ఈ ప్రతిస్పందన వచ్చింది. అసెంబ్లీలో ఈ మాటల యుద్ధం అధికార, ప్రతిపక్ష మధ్య ఉద్రిక్తతను పెంచింది.