కేంద్ర ప్రభుత్వ ఒక దేశం – ఒక ఆర్‌ఆర్‌బీ  విధానంలో భాగంగా ఆంధ్రప్రదేశ్‌లోని నాలుగు ప్రాంతీయ గ్రామీణ/సహకార బ్యాంకులను విలీనం చేయనున్నారు. 

 ఈ విలీన ప్రక్రియలో భాగంగా, ఈ బ్యాంకుల యొక్క సాంకేతిక మరియు నెట్‌వర్క్ అనుసంధానం కోసం 5 రోజుల పాటు బ్యాంకింగ్ సేవలు తాత్కాలికంగా నిలిపివేయబడతాయి.

  ATM, ఆన్‌లైన్ సేవలు, నగదు లావాదేవీలు వంటి ముఖ్య సేవలు ఈ సమయంలో అందుబాటులో ఉండవు. 

ఈ నిర్ణయం ప్రధానంగా గ్రామీణ ప్రాంతాల్లోని ఖాతాదారులపై ప్రభావం చూపుతుంది. 

ముఖ్యంగా, కర్నూలు జిల్లా పరిధిలో ఎక్కువమంది రైతులు ఈ బ్యాంకుల సేవలను వినియోగిస్తుండటం వలన, 5 రోజుల ముందుగానే తమ అత్యవసర లావాదేవీలను పూర్తి చేసుకోవాలని బ్యాంక్ అధికారులు మరియు జిల్లా పాలనా యంత్రాంగం విజ్ఞప్తి చేసింది.

 విలీనం తర్వాత ఖాతాదారులకు మరింత మెరుగైన, ఆధునిక బ్యాంకింగ్ సేవలు అందుబాటులోకి వస్తాయని ఆర్థిక నిపుణులు తెలియజేశారు.