జానకపూర్ వార్డుల్లో వినాయక చవితి ఏర్పాట్లను పరిశీలించిన మున్సిపల్ కమిషనర్ అంజయ్య

ఆసిఫాబాద్ (భారత్ ఆవాజ్ న్యూస్): త్వరలో రాబోయే వినాయక చవితి పండుగను పురస్కరించుకొని ఆసిఫాబాద్ మున్సిపల్ కమిషనర్ అంజయ్య గారు జానకపూర్ పరిధిలోని 1వ మరియు 14వ వార్డులలో విస్తృతంగా పర్యటించారు. పండుగ సందర్భంగా భక్తులకు ఎలాంటి ఇబ్బందులు కలగకుండా, ముందస్తుగా చేపట్టాల్సిన అన్ని రకాల ఏర్పాట్లను ఆయన స్వయంగా దగ్గరుండి పరిశీలించారు.

ఈ సందర్భంగా కమిషనర్ మాట్లాడుతూ. వినాయక చవితి ఉత్సవాలు ప్రశాంతంగా, వైభవంగా జరిగేలా మున్సిపాలిటీ తరపున అన్ని చర్యలు తీసుకుంటున్నామని తెలిపారు. ప్రతి ఒక్క ఏర్పాటూ సరిగ్గా జరిగేలా అధికారులు, సిబ్బంది నిరంతరం పర్యవేక్షిస్తారని కౌన్సిలర్లకు, వార్డు ప్రజలకు హామీ ఇచ్చారు.

ఈ క్షేత్రస్థాయి పరిశీలన కార్యక్రమంలో 1వ వార్డు కౌన్సిలర్ జాడి వినోద్ కుమార్, 14వ వార్డు కౌన్సిలర్ కె. భారతి గారు, వార్డు ఆఫీసర్ రామయ్య, మున్సిపల్ సిబ్బందితో పాటు స్థానిక వార్డు ప్రజలు పెద్ద సంఖ్యలో పాల్గొన్నారు.