మంచిర్యాల : సింగరేణి సంస్థ అభివృద్ధిలో శ్రీరాంపూర్-1 ఇంక్లైన్ గని తన విశిష్ట ప్రస్థానాన్ని కొనసాగిస్తూ, ఉత్పత్తి, రక్షణ రంగాల్లో ఎన్నో విజయాలు సాధిస్తూ 50 వసంతాలు (1976–2026) పూర్తి చేసుకున్న సందర్భంగా బుదరువారం స్వర్ణోత్సవ వేడుకలను ఘనంగా నిర్వహించారు.ఈ వేడుకల్లో సంస్థ డైరెక్టర్ (ప్రాజెక్ట్స్ & ప్లానింగ్) శ్రీ కె. వెంకటేశ్వర్లు విశిష్ట అతిథిగా, శ్రీరాంపూర్ ఏరియా జీఎం మునిగంటి శ్రీనివాస్, గుర్తింపు సంఘం అధ్యక్షులు శ్రీ వాసిరెడ్డి సీతారామయ్య ముఖ్య అతిథులుగా పాల్గొన్నారు. గని ఆవరణలో నిర్వహించిన స్వర్ణోత్సవ వేడుకల్లో ముందుగా గోల్డెన్ జూబ్లీ పైలాన్‌ను ప్రారంభించి, స్వర్ణోత్సవ జ్ఞాపికను ఆవిష్కరించారు. తదుపరి డాక్యుమెంటరీ ప్రదర్శన, మొక్కల నాటడం తదితర కార్యక్రమాలు నిర్వహించారు.అన్ని యూనియన్ ల ప్రతినిథులు, అధికారులు, ఉద్యోగులు, విశ్రాంత ఉద్యోగులు పెద్ద సంఖ్యలో పాల్గొని వేడుకలను విజయవంతం చేసారు.