బాచుపల్లి: కుత్బుల్లాపూర్ కాంగ్రెస్ పార్టీ ఇంచార్జీ శ్రీ కోలన్ హనుమంత్ రెడ్డి గారి ఆశీస్సులతో యువనేత కోలన్ జీవన్ రెడ్డి బోనాల పండుగ సందర్భంగా నియోజకవర్గ ప్రజలకు హృదయపూర్వక శుభాకాంక్షలు తెలిపారు.

తెలంగాణ సంస్కృతి, సంప్రదాయాలకు ప్రతీకగా నిలిచే బోనాల పండుగను ప్రజలందరూ భక్తిశ్రద్ధలతో, ఆనందోత్సాహాలతో జరుపుకోవాలని ఆయన ఆకాంక్షించారు. అమ్మవారి ఆశీస్సులతో ప్రతి కుటుంబంలో ఆరోగ్యం, ఆనందం, సుఖసంతోషాలు, ఐశ్వర్యం వెల్లివిరియాలని కోరుకున్నారు

బోనాల పండుగ సందర్భంగా భక్తులకు ఎలాంటి ఇబ్బందులు కలగకుండా ఆలయాల వద్ద పారిశుధ్యం, తాగునీరు, ట్రాఫిక్ నియంత్రణ, భద్రతా ఏర్పాట్లు పటిష్టంగా చేపట్టాలని సంబంధిత అధికారులను ఆయన కోరారు.

తెలంగాణ ఆత్మగౌరవానికి, గ్రామీణ సంస్కృతి వైభవానికి ప్రతీకగా నిలిచే బోనాల పండుగను ప్రతి ఒక్కరూ ఐక్యతతో, భక్తిశ్రద్ధలతో జరుపుకోవాలని యువనేత కోలన్ జీవన్ రెడ్డి పిలుపునిచ్చారు..