U.S. Wields Oil Sanctions Weapon Against Iran Again
ఇరాన్‌పై మళ్లీ అమెరికా చమురు ఆంక్షల అస్త్రం
వాషింగ్టన్‌: ఇరాన్‌పై అమెరికా మరోసారి చమురు ఆంక్షల అస్త్రాన్ని ప్రయోగించింది. ఇరాన్ చమురు ఉత్పత్తి, సరఫరా, విక్రయాలకు సంబంధించి గత నెలలో ఇచ్చిన ఆంక్షల మినహాయింపును డోనాల్డ్ ట్రంప్ ప్రభుత్వం రద్దు చేసింది. అమెరికా ఆర్థిక శాఖకు చెందిన విదేశీ ఆస్తుల నియంత్రణ కార్యాలయం గతంలో జారీ చేసిన సాధారణ అనుమతిని రద్దు చేస్తూ ఉత్తర్వులు జారీ చేసింది.
అమెరికా–ఇరాన్ మధ్య కుదిరిన అవగాహన ఒప్పందం అమలు పూర్తిగా ఇరాన్ ప్రవర్తనపైనే ఆధారపడి ఉంటుందని ట్రంప్ ప్రభుత్వం స్పష్టం చేసింది. ఇరాన్ తన బాధ్యతలను పాటిస్తేనే ఒప్పందం ద్వారా లభించే ప్రయోజనాలను పొందగలదని పేర్కొంది. అమెరికా ప్రయోజనాలకు విఘాతం కలిగించే చర్యలకు పాల్పడితే తీవ్ర పర్యవసానాలు ఎదుర్కోవాల్సి ఉంటుందని హెచ్చరించింది.
గత నెలలో ఇరాన్ చమురు, పెట్రోలియం ఉత్పత్తుల విక్రయాలకు ఆగస్టు 21 వరకు తాత్కాలిక అనుమతి ఇచ్చిన అమెరికా, తాజా పరిణామాల నేపథ్యంలో దానిని వెనక్కి తీసుకుంది. అయితే ఇప్పటికే ప్రారంభమైన లావాదేవీలను ముగించేందుకు జూలై 17 వరకు గడువు ఇచ్చినట్లు సమాచారం. ఈ నిర్ణయంతో ఇరాన్ చమురు ఎగుమతులపై మళ్లీ ఆంక్షల ఒత్తిడి పెరగనుంది.
