ఆటోలకు సీరియల్ నంబర్లు ఏర్పాటు* *ప్రతి సీరియల్ నెంబర్ ఆటో డ్రైవర్ల పేరు పోలీస్ స్టేషన్లో నమోదు* *ప్రయాణికులకు ధైర్యం కలిగించేలా పోలీస్ వ్యవస్థ* *ప్రజల భద్రతే లక్ష్యంగా వినూత్నంగా వ్యవహరించిన వేదులపల్లి ఎస్సై వెంకటేశ్వర్లు*

ప్రజల భద్రతే లక్ష్యంగా ప్రతి ఒక ఆటోకు ఒక సీరియల్ నెంబర్ ఏర్పాటు చేసి ప్రజలకు ధైర్యం కలిగేలా పోలీస్ సిబ్బంది వ్యవహరించారు.ఆటో డ్రైవర్లు తప్పనిసరిగా యూనిఫాం ధరించి, డ్రైవింగ్ లైసెన్స్, వాహనానికి సంబంధించిన అన్ని ధ్రువపత్రాలు వాహనంలో అందుబాటులో ఉంచాలని వేదులపల్లి ఎస్సై ఎం. వెంకటేశ్వర్లు సూచించారు.

వేదులపల్లి ప్రాంతంలో ఆటో డ్రైవర్లతో నిర్వహించిన అవగాహన కార్యక్రమంలో ఆయన మాట్లాడుతూ ప్రజలు దూర ప్రాంతాలకు ప్రయాణాలు చేస్తూ ఉంటారని కొంతమంది ఆటో డ్రైవర్లు ప్రజలను ఎవరు ప్రయాణించని రహదారులకు తీసుకువెళ్లి ప్రయాణికులను భయభ్రాంతులకు గురి చేసి వారి వద్ద ఉన్న నగదు బంగారాన్ని కాజేసి ప్రయాణికులను మోసం చేస్తున్నారని అన్నారు.ఈ సందర్భంగా ఆటోలో ప్రయాణించే ప్రయాణికులకు భరోసాగా ప్రతి ఒక్క ఆటోకు సీరియల్ నెంబర్ ఏర్పాటు చేసి ఆటోలకు ఎదురు వెనుక అంటించామని, అలాగే ఆటో డ్రైవర్ సీటు వెనక వారి డీటెయిల్స్ తో బోర్డు ఏర్పాటు చేశామని, దానివల్ల ప్రయాణికులను ఎవరైనా మోసం చేయాలని చూసినా, ప్రయాణికులు ఆటోలులో ఏవైనా విలువైన వస్తువులు మర్చిపోయిన, పోలీస్ స్టేషన్ వద్దకి కంప్లైంట్ ఇవ్వడానికి రాగానే ఆటో డ్రైవర్లను గుర్తించేలా ఉపయోగపడుతుందని తెలిపారు.ప్రయాణికుల భద్రతకు ప్రాధాన్యత ఇవ్వాలని, ఆటోల్లో అనుమతికి మించి ప్రయాణికులను ఎక్కించరాదని హెచ్చరించారు. ట్రాఫిక్ నిబంధనలను కచ్చితంగా పాటిస్తూ వాహనాలు నడపాలని సూచించారు. ప్రజలకు మెరుగైన సేవలు అందించడంతో పాటు ప్రమాదాల నివారణకు సహకరించాలని కోరారు.

కార్యక్రమంలో ఆటో డ్రైవర్లు, స్థానిక సంఘ ప్రతినిధులు మరియు పోలీసు సిబ్బంది పాల్గొన్నారు.