పుంగనూరు: గ్యాస్ సిలిండర్ పేలి రూ 4. 98 లక్షల నష్టం

పుంగనూరు నియోజకవర్గం, రొంపిచర్ల మండలం, పాత కురవపల్లిలో గురువారం రాత్రి సిలిండర్ పేలి ఒక వంటగది ధ్వంసమైంది. స్థానికుల వివరాల ప్రకారం, చంగల్ రాయులు అనే వ్యక్తి గ్రామంలోని పాఠశాల వంటగదిలో ఉంటున్నాడు. సిలిండర్ లీకై పేలడంతో గదిలోని వస్తువులన్నీ కాలిపోయాయి. ఈ ఘటనలో రూ. 4.98 లక్షల నష్టం వాటిల్లినట్లు బాధితుడు శనివారం తహసిల్దార్ కు ఫిర్యాదు చేశాడు. కట్టు గుడ్డలతో మిగిలిన తన కుటుంబాన్ని ప్రభుత్వం ఆదుకోవాలని బాధితుడు కోరాడు# కొత్తూరు మురళి.