దినకర్ నగర్‌లో పౌర సమస్యలపై మాజీ కార్పొరేటర్ సందర్శన .|
మేడ్చల్ మల్కాజ్గిరి జిల్లా : అల్వాల్ పరిధిలోని దినకర్ నగర్, రోడ్ నం. 20లో మాజీ కార్పొరేటర్ శాంతి శ్రీనివాస్ రెడ్డి HMWSSB అధికారులు శేఖర్, ఇమ్రాన్, మహేందర్‌లతో కలిసి పర్యటించారు.
ఈ సందర్భంగా స్థానిక నివాసులతో మాట్లాడి, వారు ఎదుర్కొంటున్న పౌర సమస్యలను వివరంగా తెలుసుకున్నారు.
ప్రజలు తరచుగా ఎదురవుతున్న మురుగు కాలువల బ్లాకేజీలు, నిర్మాణ మరియు ధ్వంసం (C&D) వ్యర్థాల పేరుకుపోవడం, అలాగే దోమల పెరుగుదల వల్ల ఆరోగ్య సమస్యలు తీవ్రమవుతున్నాయని తెలిపారు.
ఈ సమస్యలను ప్రత్యక్షంగా పరిశీలించిన మాజీ కార్పొరేటర్ శాంతి శ్రీనివాస్ రెడ్డి, వీటిని త్వరితగతిన పరిష్కరించేందుకు అవసరమైన చర్యలు తీసుకుంటామని హామీ ఇచ్చారు. అదేవిధంగా, వేగంగా వెళ్లే వాహనాల వల్ల ప్రమాదాలు జరుగుతున్న నేపథ్యంలో రోడ్డు భద్రత కోసం స్పీడ్ బ్రేకర్లు ఏర్పాటు చేయాల్సిన అవసరం ఉందని గుర్తించారు.
ఈ కార్యక్రమంలో కాలనీ సభ్యులు ప్రశాంత్, సత్యనారాయణ, మోహన్, ఆదిత్య, రాజయ్య, నితిన్, జాన్ తదితరులు పాల్గొన్నారు.
#sidhumaroju
Alwal
