హైదరాబాద్: తెలంగాణలో ఆహార కల్తీ నియంత్రణ కోసం ప్రభుత్వం సరికొత్త వ్యవస్థను తీసుకురానున్నట్లు ముఖ్యమంత్రి రేవంత్ రెడ్డి ప్రకటించారు. 

ఇప్పటికే మాదక ద్రవ్యాల నియంత్రణ కోసం ‘ఈగల్’, హైదరాబాద్ నగరంలో చెరువులు, నాలాలు, ప్రభుత్వ స్థలాల పరిరక్షణ కోసం ‘హైడ్రా’ వ్యవస్థలను అమలు చేస్తున్న నేపథ్యంలో, ఇదే తరహాలో ఆహార భద్రతపై ప్రత్యేక దృష్టి సారించనున్నట్లు తెలిపారు.

సోమవారం మీడియాతో పిచ్చాపాటిగా మాట్లాడిన ముఖ్యమంత్రి, దేశవ్యాప్తంగా అమల్లో ఉన్న చట్టాలను అధ్యయనం చేసి, పకడ్బందీ విధానంతో కొత్త వ్యవస్థను రూపొందిస్తామని పేర్కొన్నారు.

ప్రజలకు నాణ్యమైన, భద్రమైన ఆహారం అందించడమే లక్ష్యంగా ఈ చర్యలు తీసుకుంటున్నట్లు చెప్పారు.

ఈ సందర్భంగా రైతుల సమస్యలపై కూడా ఆయన స్పందించారు.

రైతుల హక్కులను కాపాడేందుకు కనీస మద్దతు ధర (MSP) చట్టాన్ని తీసుకువచ్చినట్లు గుర్తుచేశారు. ప్రస్తుతం పంటలకు ధర నిర్ణయించే స్వేచ్ఛ రైతులకు లేకుండా పోయిందని, వారి అవసరాలను ఆసరాగా చేసుకుని మధ్యవర్తులు దోపిడీ చేస్తున్నారని విమర్శించారు.

మొత్తంగా, రాష్ట్రంలో వివిధ రంగాల్లో పారదర్శకత, నియంత్రణ పెంచేందుకు ప్రభుత్వం వరుసగా ప్రత్యేక వ్యవస్థలను అమలు చేస్తుండటం ప్రాధాన్యత సంతరించుకుంది.

#sidhumaroju 

Alwal