ఇంధన కొరత వార్తలు అవాస్తవం : తెలంగాణ పెట్రోలియం డీలర్స్ అసోసియేషన్ స్పష్టత.|

హైదరాబాద్: రాష్ట్రంలో ఇంధన కొరత (Fuel Shortage) ఉందంటూ జరుగుతున్న ప్రచారంలో ఏమాత్రం నిజం లేదని తెలంగాణ పెట్రోలియం డీలర్స్ అసోసియేషన్ స్పష్టం చేసింది.

సోషల్ మీడియాలో వస్తున్న తప్పుడు వార్తలను నమ్మి ప్రజలు ఆందోళన చెందవద్దని కోరింది.

అసలేం జరిగింది?

గత కొంతకాలంగా పెట్రోల్, డీజిల్ కొరత ఏర్పడబోతుందనే వదంతులు వ్యాపించడంతో ప్రజలు పెద్ద ఎత్తున పెట్రోల్ బంకుల వద్దకు క్యూ కడుతున్నారు. 

దీనివల్ల సాధారణం కంటే 2.5 నుండి 3 రెట్లు ఎక్కువగా అమ్మకాలు జరుగుతున్నాయని, ఫలితంగా కొన్ని బంకుల్లో తాత్కాలికంగా నిల్వలు ముగిసిపోతున్నాయని అసోసియేషన్ తెలిపింది.

నిల్వలు పుష్కలం.

అసోసియేషన్ అధ్యక్షుడు మర్రి అమరేందర్ రెడ్డి ఈ మేరకు ఒక ప్రకటన విడుదల చేస్తూ కీలక అంశాలను వెల్లడించారు:

నిల్వల కొరత లేదు: HPCL, IOCL, BPCL వంటి ప్రధాన చమురు సంస్థల వద్ద సరిపడా నిల్వలు ఉన్నాయి.

సరఫరా సాధారణం: సరఫరా గొలుసు (Supply Chain) ఎక్కడా అంతరాయం లేకుండా సాధారణంగానే కొనసాగుతోంది.

ఆందోళన వద్దు: ప్రజలు అనవసరంగా భయాందోళనలకు గురై (Panic Buying) నిల్వలు చేసుకోవాల్సిన అవసరం లేదు.

ముఖ్యమైన భద్రతా హెచ్చరిక:

అనధికారిక కంటైనర్లు లేదా క్యాన్లలో పెట్రోల్, డీజిల్ నిల్వ చేయడం PESO నిబంధనలకు విరుద్ధమని అసోసియేషన్ హెచ్చరించింది. 

ఇలా నిల్వ చేయడం వల్ల ప్రమాదకరం. అగ్నిప్రమాదాలు సంభవించే అవకాశం ఉందని, ప్రజలు కేవలం తమ అవసరాలకు తగినంత మాత్రమే ఇంధనాన్ని కొనుగోలు చేయాలని విజ్ఞప్తి చేసింది.

తప్పుడు వార్తలను నమ్మవద్దని మరియు వాటిని ఇతరులకు షేర్ చేయవద్దని అసోసియేషన్ కోరింది.

#sidhumaroju

Alwal