చీరాల మండలం ఓడరేవు గ్రామంలో ఎమ్మెల్యే మద్దులూరి మాలకొండయ్య అభివృద్ధి పనులకు శ్రీకారం చుట్టారు. సోమవారం గ్రామంలోని వాడరేవు 1, వాడరేవు 2 నందు నూతన కమ్యూనిటీ హెల్త్ సెంటర్ , నిర్మాణాలకు ఆయన కొబ్బరికాయలు కొట్టి శంకుస్థాపన చేశారు.ఈ సందర్భంగా ఎమ్మెల్యే మద్దులూరి మాలకొండయ్య మాట్లాడుతూ గ్రామ ప్రజలకు మెరుగైన వైద్య సదుపాయాలు అందించేందుకు రూ.72 లక్షల వ్యయంతో కమ్యూనిటీ హెల్త్ సెంటర్ నిర్మాణం చేపట్టనున్నట్లు తెలిపారు.ఈ అభివృద్ధి పనులు గ్రామీణ ప్రజల జీవన ప్రమాణాలు మెరుగుపరుస్తాయని, వాడరేవు గ్రామాన్ని అన్ని విధాల అభివృద్ధి చేసే లక్ష్యంతో కూటమి ప్రభుత్వం పనిచేస్తోందని ఎమ్మెల్యే స్పష్టం చేశారు.

ఈ కార్యక్రమంలో AMC చైర్మన్ కౌతరపు జనార్ధన్, వాడరేవు గ్రామ పార్టీ అధ్యక్షులు బందు గురవయ్య ,వాడరేవు గ్రామ నాయకులు పిక్కి నారాయణ, రామకృష్ణ, తిరుపతయ్య, నరేంద్ర,అధికారులు, వివిధ హోదాలో ఉన్న నాయకులు కూటమి నాయకులు తదితరులు పాల్గొన్నారు