సెయింట్ ఆన్స్ ఇంజనీరింగ్ కళాశాల రజతోత్సవ వేడుకలకు జిల్లా కలెక్టర్...

సెయింట్ ఆన్స్ ఇంజనీరింగ్ కళాశాల రజతోత్సవ వేడుకలకు జిల్లా కలెక్టర్ కు ఆహ్వానం.

Posted 2026-03-02 13:47:56

196

వేటపాలెం: వేటపాలెంలోని ప్రతిష్టాత్మక విద్యాసంస్థ సెయింట్ ఆన్స్ కాలేజ్ ఆఫ్ ఇంజనీరింగ్ అండ్ టెక్నాలజీ 25వ వసంతంలోకి అడుగుపెడుతున్న సందర్భంగా నిర్వహిస్తున్న రజతోత్సవ వేడుకలకు రావాల్సిందిగా బాపట్ల జిల్లా కలెక్టర్ డా. వి. వినోద్ కుమార్ ను కళాశాల బృందం సాదరంగా ఆహ్వానించింది.

సోమవారం జిల్లా కలెక్టరేట్‌ పి జి ఆర్ ఎస్ సమావేశ మందిరంలో కలెక్టర్ వినోద్ కుమార్ ను మర్యాదపూర్వకంగా కలిసిన కళాశాల ప్రిన్సిపాల్ డా. జగదీష్ ఫిజికల్ డైరెక్టర్ అన్నం శ్రీనివాసరావు, కలెక్టర్ కు పుష్ప గుత్యం అందించి వేడుకలకు సంబంధించిన అధికారిక ఆహ్వాన పత్రికను వారికి అందజేశారు. ఈ సందర్భంగా ప్రిన్సిపాల్ డా. జగదీష్ మాట్లాడుతూ.. గత 25 ఏళ్లుగా కళాశాల సాధించిన ప్రగతిని, నాక్ ఏ గ్రేడ్, ఎన్ బి ఏ గుర్తింపు, అటానమస్ హోదాతో విద్యార్థులకు అందిస్తున్న నాణ్యమైన సాంకేతిక విద్య గురించి కలెక్టర్ కు వివరించారు. కళాశాల రజతోత్సవ వేడుకలకు ముఖ్య అతిథిగా విచ్చేసి విద్యార్థులను ఉద్దేశించి ప్రసంగించవలసిందిగా కోరగా, కలెక్టర్ సానుకూలంగా స్పందించారు. ‎

#Narendra