బంగాళాఖాతంలో కొనసాగుతున్న ఉపరితల ఆవర్తనం కారణంగా వాతావరణంలో తీవ్ర మార్పులు చోటుచేసుకుంటున్నాయి. నేడు మరో అల్పపీడనం ఏర్పడే అవకాశం ఉందని వాతావరణ శాఖ హెచ్చరించింది.

 వచ్చే 48 గంటల్లో ఇది వాయుగుండంగా మారే సూచనలు కనిపిస్తున్నాయి. దక్షిణ కోస్తా, రాయలసీమ ప్రాంతాల్లో పలుచోట్ల భారీ వర్షాలు కురిసే అవకాశం ఉంది. తెలంగాణలో ఉరుములు, మెరుపులతో కూడిన వర్షాలు పడే అవకాశమున్నందున అన్ని జిల్లాలకు ఎల్లో అలర్ట్ జారీ చేశారు.

హైదరాబాద్ జిల్లా ప్రజలు ప్రయాణాల్లో, విద్యుత్ వినియోగంలో, వ్యవసాయ కార్యకలాపాల్లో జాగ్రత్తలు తీసుకోవాలని అధికారులు సూచిస్తున్నారు. వర్షాల ప్రభావంతో లోతట్టు ప్రాంతాల్లో నీటి నిల్వలు, ట్రాఫిక్ అంతరాయం వంటి సమస్యలు తలెత్తే అవకాశముంది.