జూబ్లీహిల్స్‌ గెలుపుతో మోదీకి బీజేపీ గిఫ్ట్‌ |

Posted 2025-10-10 11:12:47

జూబ్లీహిల్స్‌ ఉపఎన్నికను ప్రధాని మోదీకి బహుమతిగా ఇవ్వాలని లక్ష్యంగా పెట్టుకున్నామని తెలంగాణ బీజేపీ అధ్యక్షుడు రామచందర్‌రావు ప్రకటించారు. గ్రేటర్‌ హైదరాబాద్‌ జిల్లాల నేతలతో సమావేశం నిర్వహించిన ఆయన, తక్షణమే డోర్‌ టు డోర్‌ ప్రచారం ప్రారంభించాలని పిలుపునిచ్చారు.

బీసీలను గతంలో బీఆర్ఎస్‌, కాంగ్రెస్‌ మోసం చేశాయని, ఇప్పుడు కూడా రాజకీయ ప్రయోజనాల కోసం వాడుకుంటున్నారని విమర్శించారు.

బీజేపీ మాత్రం బీసీలకు న్యాయం చేయడానికి కట్టుబడి ఉందని, కుల గణన ద్వారా వారికి హక్కులు కల్పించేందుకు ప్రయత్నిస్తుందని తెలిపారు. జూబ్లీహిల్స్‌ ఉపఎన్నికలో బీజేపీ విజయం సాధించి, రాష్ట్రంలో బలమైన ప్రత్యామ్నాయంగా ఎదగాలని పార్టీ నేతలు సంకల్పించారు.