బంజారాహిల్స్ రోడ్ నెం.10 వద్ద ఉన్న రూ.750 కోట్ల విలువైన 5 ఎకరాల ప్రభుత్వ భూమిని ఆక్రమణదారుల నుంచి హైడ్రా (HYDRAA) స్వాధీనం చేసుకుంది.

ఈ భూమిపై గత కొంతకాలంగా వివాదం కొనసాగుతుండగా, పార్థసారథి అనే వ్యక్తి కోర్టులో యాజమాన్య హక్కులు కోరుతూ కేసు వేసి, తాత్కాలిక షెడ్లు నిర్మించి బౌన్సర్లు, వేట కుక్కలతో భద్రత ఏర్పాటు చేశాడు. అయితే కేసు విచారణలో ఉండగానే, హైడ్రా అధికారులు అక్రమ నిర్మాణాలను కూల్చివేసి భూమిని తిరిగి ప్రభుత్వానికి అప్పగించారు. 

ఈ చర్యతో నగరంలోని ప్రభుత్వ ఆస్తుల రక్షణకు హైడ్రా తీసుకుంటున్న చర్యలు ప్రశంసనీయంగా నిలుస్తున్నాయి. ఈ భూమిలో 1.20 ఎకరాలు వాటర్ బోర్డుకు కేటాయించబడినప్పటికీ, మొత్తం స్థలాన్ని ఆక్రమించేందుకు ప్రయత్నించారని అధికారులు వెల్లడించారు.