నాచారం అభివృద్ధికి కోట్లాది రూపాయల నిధులు

నాచారం అభివృద్ధికి కోట్లాది రూపాయల నిధులు

పరమేశ్వర్ రెడ్డి నాయకత్వంలో శరవేగంగా అభివృద్ధి పనులు

సీసీ రోడ్లు, డ్రైనేజీ, మంచినీటి పైపులైన్లు, పార్కులు, చెరువుల అభివృద్ధికి నిధులు

నాచారం: ఉప్పల్ నియోజకవర్గంలోని నాచారం డివిజన్‌లో అభివృద్ధి పనులు శరవేగంగా కొనసాగుతున్నాయని తెలంగాణ ప్రదేశ్ కాంగ్రెస్ కమిటీ అధికార ప్రతినిధి హెచ్.ఆర్. మోహన్ తెలిపారు.

నాచారం డివిజన్‌లో పలు అభివృద్ధి కార్యక్రమాలకు కోట్లాది రూపాయల నిధులు మంజూరు చేసిన ముఖ్యమంత్రి శ్రీ అనుముల రేవంత్ రెడ్డికి, ఉప్పల్ నియోజకవర్గ కాంగ్రెస్ పార్టీ అసెంబ్లీ ఇన్‌చార్జ్ శ్రీ మందుముల పరమేశ్వర్ రెడ్డికి, కాంగ్రెస్ పార్టీ నాయకులు, కార్యకర్తలకు నాచారం ప్రజల తరఫున ఆయన కృతజ్ఞతలు తెలిపారు.

గత పదేళ్లలో నాచారం డివిజన్‌లో మౌలిక వసతుల అభివృద్ధి ఆశించిన స్థాయిలో జరగలేదని, ప్రజలు అనేక సమస్యలను ఎదుర్కొన్నారని హెచ్.ఆర్. మోహన్ పేర్కొన్నారు. ప్రస్తుత ప్రజా పాలనలో ముఖ్యమంత్రి రేవంత్ రెడ్డి నాయకత్వంలో, పరమేశ్వర్ రెడ్డి కృషితో నాచారం అభివృద్ధి దిశగా ముందుకు సాగుతోందన్నారు.

మౌలిక వసతులకు ప్రాధాన్యం

నాచారం డివిజన్‌లో సీసీ రోడ్లు, అండర్‌గ్రౌండ్ డ్రైనేజీ, మంచినీటి పైపులైన్లు, కమ్యూనిటీ హాళ్లు, పార్కుల అభివృద్ధి, చెరువుల ప్రక్షాళన తదితర మౌలిక వసతుల పనులకు నిధులు మంజూరు కావడం ప్రజలకు ఎంతో ఉపయోగకరమని తెలిపారు.

“అభివృద్ధి, సంక్షేమం రెండు కళ్లుగా ప్రజా పాలన ముందుకు సాగుతోంది. నాచారం డివిజన్‌ను మరింత అభివృద్ధి పథంలోకి తీసుకెళ్లేందుకు ప్రభుత్వం చేస్తున్న కృషి అభినందనీయం” అని హెచ్.ఆర్. మోహన్ పేర్కొన్నారు.

కాంగ్రెస్ ఆధ్వర్యంలో పాత్రికేయుల సమావేశం

నాచారం డివిజన్ కాంగ్రెస్ పార్టీ అధ్యక్షులు నూతల కంటి రాజు ఆధ్వర్యంలో నిర్వహించిన పాత్రికేయుల సమావేశంలో డివిజన్‌లో జరుగుతున్న అభివృద్ధి పనులు, ప్రజలకు అందుతున్న మౌలిక వసతులు, గత పాలనలో ప్రజలు ఎదుర్కొన్న సమస్యలను వివరించారు.

పాత్రికేయుల సమావేశంలో నాచారం డివిజన్ అభివృద్ధికి సంబంధించిన అంశాలపై నాయకులు వివరాలు వెల్లడిస్తూ, ప్రజా సమస్యల పరిష్కారం మరియు మౌలిక వసతుల అభివృద్ధికి మరింత ప్రాధాన్యత ఇవ్వాలని కోరారు.