అల్వాల్, సెప్టెంబర్ 12: రాబోయే వినాయక చతుర్థి వేడుకలను దృష్టిలో ఉంచుకుని అల్వాల్ పోలీస్ స్టేషన్‌లో SHO A. ప్రశాంత్ ఆధ్వర్యంలో ప్రత్యేక అవగాహన కార్యక్రమాల నిర్వహణపై సమావేశం జరిగింది.

పండుగ సందర్భంగా భక్తులు, ప్రజలు అప్రమత్తంగా ఉండేలా వివిధ గణేష్ మండపాల వద్ద డ్రగ్స్ నివారణ, మహిళల భద్రత, సైబర్ మోసాలు, కల్తీ ఆహారం తదితర అంశాలపై అవగాహన కార్యక్రమాలు నిర్వహించనున్నట్లు సమావేశంలో నిర్ణయించారు.

ఈ కార్యక్రమాలకు సంబంధించిన వివరాలను మల్కాజిగిరి పోలీస్ కమిషనర్ బి. సుమతి వీడియో కాన్ఫరెన్స్ ద్వారా వివరించారు. అనంతరం అవగాహన కార్యక్రమాలకు సంబంధించిన పోస్టర్‌ను విడుదల చేశారు.

ఈ సమావేశంలో భాగ్యనగర్ గణేష్ ఉత్సవ సమితి సభ్యులు, వివిధ గణేష్ మండపాల ప్రతినిధులు పాల్గొన్నారు. వినాయక చతుర్థి వేడుకలను సురక్షితంగా, ప్రశాంతంగా, భక్తిశ్రద్ధలతో నిర్వహించేందుకు పోలీస్ శాఖకు ప్రతి ఒక్కరూ సహకరించాలని అధికారులు కోరారు.

#sidhumaroju

Alwal