కదిరి: శ్రీ సత్యసాయి జిల్లా కదిరికి చెందిన పాత్రికేయులు కె. రామచంద్ర, ఎస్. బాబా ఫక్రుద్దీన్, టి.డి. జయరాంరెడ్డిలు బెంగళూరులోని ఇంపాక్ట్ ఇంటర్నేషనల్ సంస్థ అందించే జాతీయ అవార్డులకు ఎంపికయ్యారు.ఇంపాక్ట్ ఇంటర్నేషనల్ సంస్థ 14వ వార్షికోత్సవాన్ని పురస్కరించుకుని ఈ అవార్డులకు వీరిని ఎంపిక చేసినట్లు సంస్థ అధ్యక్షులు సి.ఎస్. శివరాజ్ ఒక ప్రకటనలో తెలిపారు.ఈ నెల 12వ తేదీన బెంగళూరులోని అంబేద్కర్ భవన్‌లో నిర్వహించే అవార్డుల ప్రధానోత్సవ కార్యక్రమంలో వీరిని ఘనంగా సత్కరించి పురస్కారాలను అందజేయనున్నారు.దీర్ఘకాలంగా పాత్రికేయ రంగంలో కొనసాగుతూ ప్రజా సమస్యలు, సామాజిక అంశాలపై కథనాలు అందిస్తున్న కదిరి పాత్రికేయులకు ఈ అవార్డులు దక్కడం పట్ల స్థానిక పాత్రికేయులు హర్షం వ్యక్తం చేశారు.చిక్‌బళ్లాపూర్ జిల్లా పాత్రికేయులు టి.ఎస్. నాగేంద్రబాబు, జయరామ్, వెంకటేష్, కృష్ణాచారి తదితరులు అవార్డు గ్రహీతలకు అభినందనలు తెలిపారు.