చింతూరు ప్రభుత్వ ఆసుపత్రి లో అంబులెన్స్ అందుబాటులో లేక గిరిజన బాలిక మృతి.

చింతూరు ప్రభుత్వ ఆసుపత్రి లో అంబులెన్స్ అందుబాటులో లేక గిరిజన బాలిక మృతి చెందిన ఘటన ఈ రోజు జరిగింది. వివరాల్లోకి వెళితే పెద్ద సీతనపల్లి గ్రామానికి చెందిన సోడి పాపయ్య కుమార్తె లాస్య (4)కు మలేరియా జ్వరం తగిలింది. జ్వరం తగిలిన లాస్యను చింతూరు ఏరియా ప్రభుత్వ ఆసుపత్రికి తరలించారు. చింతూరు ప్రభుత్వ ఆసుపత్రిలో వైద్యులు ప్రాథమిక చికిత్సలు చేశారు ఆరోగ్యం మెరుగు అవ్వకపోవడంతో మెరుగైన చికిత్స కోసం భద్రాచలం రిఫర్ చేయగా అంబులెన్స్ అందుబాటులో లేకపోవడంతో, ప్రైవేటు వాహనాలతో భద్రాచలం తీసుకెళ్లే స్తోమత లాస్య తల్లి తండ్రులకు లేకపోవడంతో లాస్య మృతి చెందింది. బిజెపి జిల్లా కార్యదర్శి ఆధ్వర్యంలో మృత దేహం తో ఐటీడీఏ పి ఓ ఆఫీస్ ముందు. పెద్ద సీతనపల్లి గ్రామ గిరిజన బాలిక అంబులెన్స్ అందుబాటులో లేక మృతి చెందటం పట్ల బిజెపి జిల్లా కార్యదర్శి డి వి యస్ రమణా రెడ్డి ఆధ్వర్యంలో చింతూరు ఐ టీ డి ఎ ముందు లాస్య మృత దేహం తో ధర్నా నిర్వహించారు. మృతి చెందిన బాలిక విషయం పై సమగ్ర విచారణ చేయాలని, అలాగే చింతూరు ప్రభుత్వ ఆసుపత్రిలో అంబులెన్స్ లు 24 గంటలు అందుబాటులో ఉంచాలని ధర్నా నిర్వహించారు. ఐ టీ డి ఎ అంబులెన్స్ కు ఐటిడిఏ పి ఓ డిజిల్ కొరత లేకుండా చూడాలని బిజెపి జిల్లా కార్యదర్శి డి వి యస్ రమణారెడ్డి పి ఓ శుభం నొక్వాల్ కు జరిగిన ఘటన వివరాలు వివరించారు.

# Yadagiri