"నా శాఖలో ఏం జరుగుతుందో పత్రికల్లో చూసి తెలుసుకోవాలా?"
ఉత్తమ్ కుమార్ రెడ్డికి తెలియకుండానే పౌర సరఫరాల శాఖలో విజిలెన్స్ ఎంక్వైరీ చేయించిన రేవంత్ రెడ్డి
తన ప్రతిష్ఠ దెబ్బతీయడానికే రేవంత్ కుట్ర చేస్తున్నారని ఉత్తమ్ కుమార్ రెడ్డి ఆగ్రహం
తెలంగాణ పౌర సరఫరాల శాఖలో ధాన్యం టెండర్ల రద్దుపై ఆ శాఖ మంత్రి ఉత్తమ్ కుమార్ రెడ్డికి తెలియకుండానే నిన్న విజిలెన్స్ విచారణ జరగడం చర్చనీయాంశంగా మారింది
మీడియాలో, పత్రికల్లో చూశాకే తనకు విషయం తెలిసిందని సన్నిహితుల వద్ద మంత్రి ఆవేదన
గత ఖరీఫ్ సీజన్‌లో సేకరించిన ధాన్యంలో రాష్ట్ర అవసరాలకు మిగుల్చుకున్నది పోగా, సుమారు 12 లక్షల టన్నుల ధాన్యం మిగిలిందని, ఆ ధాన్యాన్ని గ్లోబల్ టెండర్ల ద్వారా వేలం వేయాలని నిర్ణయించిన ఉత్తమ్ కుమార్ రెడ్డి
బిడ్డర్లు తక్కువ ధరకు కోట్ చేయడంతో ఆ టెండర్లను రద్దు చేయాలని ఆదేశాలు జారీ చేసిన మంత్రి
దీంతో అసలు బిడ్డర్లు ఎందుకు తక్కువ ధరకు కోట్ చేశారనే అనుమానంతో విజిలెన్స్ ఎంక్వైరీకి ఆదేశించిన రేవంత్ రెడ్డి
సంబంధిత శాఖ మంత్రికి చెప్పకుండానే రేవంత్ రెడ్డి ఈ నిర్ణయం తీసుకోవడం, కనీసం పౌర సరఫరాల శాఖ అధికారులు కూడా మంత్రికి ఈ విషయం చెప్పకపోవడంతో తీవ్ర ఆగ్రహం వ్యక్తం చేసిన ఉత్తమ్ కుమార్ రెడ్డి
"నా శాఖలో ఏం జరుగుతుందో నేను పత్రికల్లో చూసి తెలుసుకోవాలా? ఎవరి ఆదేశాలతో ఈ నిర్ణయం తీసుకున్నారు?" అంటూ అధికారులపై విరుచుకుపడ్డ మంత్రి
"నా శాఖపై రేవంత్ రెడ్డి పెత్తనం ఏంటి? నా ప్రతిష్ఠను దెబ్బతీయడానికే ఈ కుట్రలు చేస్తున్నారా?" అంటూ సన్నిహితుల వద్ద వాపోయిన ఉత్తమ్ కుమార్ రెడ్డి
