పేపర్ లీక్ కేసులకు ఫాస్ట్ ట్రాక్ కోర్టులు.|

● యువత భవిష్యత్తుతో ఆడుకునే వారిపై కఠిన చర్యలు

● పరీక్షల అక్రమాలపై వేగవంతమైన విచారణకు కేంద్రం నిర్ణయం

● ప్రత్యేక కోర్టుల ఏర్పాటుకు చర్యలు ప్రారంభం

హైదరాబాద్ జూలై 23: పరీక్షల పేపర్ లీక్ కేసుల విచారణను వేగవంతం చేసేందుకు కేంద్ర ప్రభుత్వం కీలక చర్యలు చేపట్టింది. ఇలాంటి కేసులను త్వరగా పరిష్కరించేందుకు ఫాస్ట్ ట్రాక్ కోర్టుల ఏర్పాటుకు చర్యలు ప్రారంభించినట్లు కేంద్రం వెల్లడించింది.

యువత భవిష్యత్తుతో ఆడుకునే వారిని ఎట్టి పరిస్థితుల్లోనూ వదిలిపెట్టబోమని ప్రధాని నరేంద్ర మోదీ స్పష్టం చేశారు. పరీక్షల నిర్వహణలో పారదర్శకతను కాపాడటం, అక్రమాలకు అడ్డుకట్ట వేయడం ప్రభుత్వ ప్రధాన లక్ష్యమని పేర్కొన్నారు.

పబ్లిక్ ఎగ్జామినేషన్స్ (ప్రివెన్షన్ ఆఫ్ అన్‌ఫెయిర్ మీన్స్) చట్టం-2024 కింద పేపర్ లీకేజీ, పరీక్షల అక్రమాలకు పాల్పడే వారిపై కఠిన చర్యలు తీసుకునే నిబంధనలు అమల్లోకి వచ్చాయి. ఈ చట్టం కింద కేసుల విచారణను త్వరగా పూర్తి చేసేందుకు ప్రత్యేక న్యాయస్థానాల ఏర్పాటుపై దృష్టి సారించారు.

తొలి దశలో కొన్ని రాష్ట్రాల్లో ఫాస్ట్ ట్రాక్ కోర్టుల ఏర్పాటు ప్రక్రియను ప్రారంభించినట్లు సమాచారం.

పరీక్షల వ్యవస్థపై నమ్మకాన్ని పెంచడంతో పాటు, లక్షలాది మంది విద్యార్థుల ప్రయోజనాలను రక్షించేందుకు ఈ చర్యలు తీసుకుంటున్నట్లు కేంద్రం తెలిపింది.

#Sidhumaroju