"సికింద్రాబాద్‌లో జీహెచ్‌ఎంసీ ‘సర్జికల్ స్ట్రైక్’.. ఆక్రమణలు క్లీన్!
సికింద్రాబాద్ : నగరంలో పాదచారుల హక్కులను కాపాడేందుకు జీహెచ్‌ఎంసీ (GHMC) అధికారులు మరోసారి ఉక్కుపాదం మోపారు. సికింద్రాబాద్‌లోని గాంధీ ఆసుపత్రి మరియు పద్మారావు నగర్ వంటి అత్యంత రద్దీ ప్రాంతాల్లో ఫుట్‌పాత్‌లను ఆక్రమించిన వారిపై అధికారులు శనివారం భారీ స్థాయిలో ఆక్రమణల తొలగింపు డ్రైవ్‌ను నిర్వహించారు. హైకోర్టు ఆదేశాల నేపథ్యంలో, పాదచారులకు ఆటంకం కలిగిస్తున్న తాత్కాలిక షెడ్లు, దుకాణాలు మరియు నిర్మాణ సామగ్రిని జేసీబీల సహాయంతో పూర్తిగా క్లియర్ చేశారు.
జీహెచ్‌ఎంసీ కమిషనర్ ఆర్.వి. కర్ణన్, IAS మార్గదర్శకత్వంలో సికింద్రాబాద్ జోన్ పరిధిలోని ఉన్నతాధికారులు నేరుగా ఈ ఆపరేషన్‌లో,ఎన్. రవి కిరణ్ (జోనల్ కమిషనర్, సికింద్రాబాద్ జోన్) బి.వి. గంగాధర్ రెడ్డి (డిప్యూటీ కమిషనర్, సర్కిల్-18), టౌన్ ప్లానింగ్ ఎసిపి మరియు ట్రాఫిక్ విభాగం అధికారులు పాల్గొన్నారు.
గాంధీ ఆసుపత్రి పరిసరాల్లో రోగులు మరియు పాదచారులు రోడ్డుపై నడవాల్సి వస్తుండటంతో ప్రమాదాలు పెరుగుతున్నాయని అధికారులకు ఫిర్యాదులు అందాయి. దీంతో రంగంలోకి దిగిన అధికారులు:
ఫుట్‌పాత్‌లను ఆక్రమించి నిర్మించిన 70కి పైగా తాత్కాలిక షెడ్లను కూల్చివేశారు.
రోడ్ల పక్కన నిలిపి ఉంచిన భారీ నిర్మాణ సామగ్రిని మరియు అనధికార హోర్డింగ్‌లను సీజ్ చేశారు.
స్థానిక మున్సిపల్, ట్రాఫిక్ మరియు పోలీస్ శాఖలు సమన్వయంతో రోడ్డు మార్గాలను సుగమం చేశాయి.
ఈ సందర్భంగా డిప్యూటీ కమిషనర్ మాట్లాడుతూ, "పాదచారులకు కేటాయించిన స్థలాన్ని వ్యాపారాల కోసం వాడుకోవడం నేరం. ఆక్రమణలను మళ్లీ ప్రోత్సహిస్తే భారీ జరిమానాలతో పాటు కఠిన చర్యలు తీసుకుంటాం" అని హెచ్చరించారు.
నగరవ్యాప్తంగా అన్ని ప్రధాన రహదారులపై ఈ డ్రైవ్ కొనసాగుతుందని ఆయన స్పష్టం చేశారు.
ట్రాఫిక్ కష్టాల నుంచి విముక్తి కలిగిస్తున్న అధికారుల పనితీరుపై స్థానిక ప్రజలు హర్షం వ్యక్తం చేస్తున్నారు.
#sidhumaroju
