మేడ్చల్ మల్కాజిగిరి జిల్లా :  మల్కాజిగిరి జోన్‌లోని బేగంపేట్ డివిజన్ పరిధిలో మారేడుపల్లి పోలీస్ స్టేషన్‌కు చెందిన ఎస్‌ఐ నవీన్  అఖిల భారత స్థాయిలో తన ప్రతిభను చాటుకున్నారు. మహారాష్ట్ర రాష్ట్రంలోని నాగ్‌పూర్ నగరంలో మార్చి 29 నుండి ఏప్రిల్ 3 వరకు నిర్వహించిన అఖిల భారత పోలీస్ డ్యూటీ మీట్–2025లో పాల్గొని విశేష విజయాలు సాధించారు.

ఈ పోటీల్లో మెడికో-లీగల్ ఓరల్ విభాగంలో స్వర్ణ పతకం అందుకున్న ఆయన, హ్యాండ్లింగ్, లిఫ్టింగ్ & ప్యాకింగ్ విభాగంలో కాంస్య పతకాన్ని కూడా కైవసం చేసుకున్నారు.

ఎస్‌ఐ నవీన్  ఈ ఘన విజయం పట్ల బేగంపేట్ ఏసీపీ గోపాల కృష్ణ మూర్తి , మారేడుపల్లి ఇన్‌స్పెక్టర్ వెంకటేశ్  అభినందనలు తెలిపారు. ప్రత్యేకంగా సన్మానిస్తూ, ఆయన కృషి, నైపుణ్యం, అంకితభావం పోలీస్ శాఖకు గర్వకారణమని కొనియాడారు.

అధికారులు మాట్లాడుతూ, ఇలాంటి విజయాలు ఇతర పోలీస్ సిబ్బందికి ప్రేరణగా నిలుస్తాయని పేర్కొన్నారు.

#sidhumaroju

Alwal