కాకినాడలో పేద మరియు మధ్యతరగతి కుటుంబాలకు వైద్య చికిత్స కోసం ముఖ్యమంత్రి సహాయ నిధి (CMRF) నుంచి 8 చెక్కులు మంజూరు చేయబడ్డాయి. రాజ్యసభ సభ్యులు సానా సతీష్ బాబు గారి సిఫార్సు మేరకు ఈ ఆర్థిక సహాయం అందజేయబడింది.

తీవ్ర అనారోగ్యంతో చికిత్స పొందుతూ అధిక ఖర్చులు చేసిన కుటుంబాలకు ఈ సహాయం అందించడం ద్వారా ప్రభుత్వం అండగా నిలిచిందని అధికారులు తెలిపారు. ముఖ్యమంత్రి నారా చంద్రబాబు నాయుడు అవసరమైన సమయంలో పేద ప్రజలకు తోడుగా ఉంటున్నారని పేర్కొన్నారు.

ఎంపీ సానా సతీష్ బాబు ప్రజల సమస్యలను ప్రభుత్వం దృష్టికి తీసుకెళ్లడంలో చురుకుగా వ్యవహరిస్తున్నారని, బాధితులకు తక్షణ సహాయం అందేలా కృషి చేస్తున్నారని తెలిపారు.

ఈ కార్యక్రమంలో ఆఫీస్ ఇంచార్జ్ మేకా లక్ష్మణమూర్తి, ఎంపీ పి.ఏ గౌరీ శంకర్, 40వ వార్డు తెలుగుదేశం నాయకురాలు మీసాల సునీత తదితరులు పాల్గొన్నారు. లబ్ధిదారులు ప్రభుత్వానికి, ప్రజాప్రతినిధులకు కృతజ్ఞతలు తెలిపారు.