తాజాగా శ్రీశైలం-హైదరాబాద్ మధ్య ప్రధాన రహదారిగా ఉపయోగించే NH-765 పై వంతెన కొట్టుకుపోవడంతో రాకపోకలు పూర్తిగా నిలిచిపోయాయి. భారీ వర్షాలు, మొంథా తుపాన్ ప్రభావంతో వంతెనకు బలహీనత ఏర్పడి, అది పూర్తిగా కూలిపోయింది.

దీంతో శ్రీశైలం, అచ్చంపేట, హైదరాబాద్ మధ్య ప్రయాణించే వాహనాలు నిలిచిపోయాయి. ప్రజలు ప్రత్యామ్నాయ మార్గాల కోసం తీవ్రంగా ఇబ్బంది పడుతున్నారు. అత్యవసర సేవలు, రవాణా, పర్యాటక ప్రయాణాలు అన్నీ నిలిచిపోయాయి.

అధికారులు వెంటనే సంఘటనా స్థలానికి చేరుకుని, రక్షణ చర్యలు ప్రారంభించారు. వంతెన పునర్నిర్మాణానికి సంబంధించి తాత్కాలిక ప్రణాళికలు రూపొందిస్తున్నారు. ఈ ఘటన నాగర్‌కర్నూల్ జిల్లా పరిధిలో చోటుచేసుకుంది. ప్రజలు ప్రయాణానికి ముందు అధికారిక సమాచారం తెలుసుకోవాలని సూచిస్తున్నారు.