విశాఖలో రైడెన్ డేటా సెంటర్‌కు గ్రీన్ సిగ్నల్ |

Posted 2025-10-10 05:04:58

నేడు ఉదయం 10:30 గంటలకు ఏపీ కేబినెట్‌ భేటీ జరగనుంది. ముఖ్యమంత్రి చంద్రబాబు నాయుడు అధ్యక్షతన జరిగే ఈ సమావేశంలో రాష్ట్ర అభివృద్ధికి కీలక నిర్ణయాలు తీసుకునే అవకాశం ఉంది.

విశాఖపట్నంలో రూ.87,520 కోట్లతో రైడెన్ ఇన్ఫోటెక్ డేటా సెంటర్ ఏర్పాటుకు ఆమోదం తెలపనున్నారు. అలాగే SIPB ద్వారా రూ.1,14,824 కోట్ల కొత్త పెట్టుబడులకు ఆమోదం ఇవ్వనున్నారు. ఈ 26 ప్రాజెక్టుల ద్వారా 67,218 మందికి ఉద్యోగావకాశాలు కలుగనున్నాయి.

అమరావతిలో రూ.212 కోట్లతో రాజ్‌భవన్ నిర్మాణానికి కూడా కేబినెట్‌ ఆమోదం తెలపనుంది. ఈ నిర్ణయాలు రాష్ట్ర ఆర్థిక, సాంకేతిక రంగాల్లో కొత్త దశను ప్రారంభించనున్నాయి.