చీరాల N.R.& P.M. హైస్కూల్ వాకర్స్ అసోసియేషన్ ఆధ్వర్యంలో వాకింగ్ సభ్యుడు, శ్రీకృష్ణ గోశాల అధ్యక్షుడు దేవకి సుబ్బారావు పుట్టినరోజు సందర్భంగా పలు సేవా కార్యక్రమాలు నిర్వహించారు.

ఈ సందర్భంగా పేరాల శివాలయంలో పేదలకు అన్నదానం కోసం ఒక బస్తా బియ్యం, కోటయ్య అనాథ వృద్ధాశ్రమానికి ఒక బస్తా బియ్యం, చీరాల–పేరాల దీన జన అన్నదాన సేవా సంఘానికి ఒక బస్తా బియ్యం, వోలేటి అనంత లింగేశ్వరరావు మహాదేవ వేద పాఠశాల విద్యార్థులకు ఒక బస్తా బియ్యం అందజేశారు. అలాగే శ్రీకృష్ణ గోశాలకు రూ.1,500 నగదును విరాళంగా అందించారు.

సేవా కార్యక్రమాలు నిర్వహించిన దేవకి సుబ్బారావును వాకర్స్ అసోసియేషన్ సభ్యులు ఘనంగా సత్కరించారు. అనంతరం వాకింగ్ సభ్యులకు అల్పాహారం ఏర్పాటు చేశారు.

ఈ కార్యక్రమంలో పోలుదాసు రామకృష్ణ, చారగుళ్ళ గురుప్రసాద్, అమరా బుల్లిబాబు, సుధాకరరావు, నారాయణమూర్తి, పూర్ణా, రవి, తుకారాం, శ్రీనివాసరావు, చెంగల రాయుడు, మూర్తి, రాంబాబు, రామకృష్ణ, చెన్న నారాయణ తదితర వాకింగ్ సభ్యులు, మిత్రులు పాల్గొన్నారు.