ఆసిఫాబాద్ సందీప్ నగర్ కాలనీ సమస్యల పరిష్కారానికి కమిషనర్ హామీ
2 min read
0
Comments
313
Views
🎤కుమురం భీం ఆసిఫాబాద్ భారత్ ఆవాజ్ న్యూస్ ప్రతినిధి జగదీష్
ఆసిఫాబాద్ మున్సిపాలిటీ 11వ వార్డు పరిధిలోని సందీప్ నగర్ కాలనీ దీర్ఘకాలిక సమస్యలపై స్థానిక కౌన్సిలర్ రాపర్తి కార్తీక్ తక్షణమే స్పందించారు. కాలనీ వాసులు తమ డ్రైనేజీ, కల్వర్టు సమస్యలను వివరిస్తూ అందించిన వినతి పత్రాన్ని ఆయన మున్సిపల్ కమిషనర్ దృష్టికి తీసుకెళ్లారు. కాలనీలో సరైన డ్రైనేజీ వ్యవస్థ లేకపోవడం, కల్వర్టు నిర్మించకపోవడం వల్ల వర్షపు నీరు, మురుగునీరు రోడ్లపై నిలిచిపోయి రాకపోకలకు తీవ్ర అంతరాయం కలుగుతోందని కమిషనర్‌కు వివరించారు. దీనిపై సానుకూలంగా స్పందించిన మున్సిపల్ కమిషనర్, సందీప్ నగర్ కాలనీలో కల్వర్టు నిర్మాణంతో పాటు మిగిలిన సమస్యలను త్వరలోనే పరిశీలించి, వీలైనంత వేగంగా పరిష్కరిస్తామని స్పష్టమైన హామీ ఇచ్చారు.
